كوكو شانەل گيتلەر بارلاۋشىلارى ءۇشىن قىزمەت ەتكەن بولۋى مۇمكىن
دەپ حابارلايدى «Associated Press» اگەنتتىگى.
كوكو شانەلدىڭ ەسىمى پاريجدىڭ شىعىسىندا ورنالاسقان ۆەنسەن بەكىنىسىندە ساقتالعان قۇجاتتامادا تۇر. اتاپ ايتقاندا، مۇراعات قۇجاتىندا ونىڭ 1942-1943 - جىلدارى بارون گانس گيۋنتەر فون دينكلاگەنىڭ كوڭىلدەسى جانە اگەنتى بولعانى تۋرالى جازبا ساقتالعان.
«بارون ۇگىتشى بولىپ جۇمىس ىستەگەن، ءبىز ونىڭ نەمىس اگەنتى بولعان دەپ سانايمىز»، - دەلىنگەن قۇجاتتامادا.
مۇراعاتتىڭ ساقتالۋىنا جاۋاپتى فرەدەريك كۋگينەردىڭ ايتۋىنشا، كوكو شانەل «ابۆەر- ءدىڭ» (گەرمانيانىڭ اسكەري بارلاۋ قىزمەتى) اگەنتى بولعان. سونىمەن قاتار، كۋگينەر ديزاينەر نەمىستەر ءۇشىن ناعىز «اقپارات كوزى» بولىپ ەسەپتەلىنگەن. ال، ديزاينەردىڭ ءوزى بۇل تۋرالى بىلمەگەن دە بولۋى مۇمكىن.
كوكو شانەل - «Chanel» ءسان ءۇيىن قۇرعان فرانسيالىق ديزاينەر. ءوزىنىڭ ءبىرىنشى دۇكەنىن شانەل 1910 - جىلى پاريجدە اشقان.
