بانگكوكتا پىلدەرگە ءمىنىپ، پولو وينادى - فوتو

استانا. قازاقپارات - 2016 -جىلى 10- جانە 13 -ناۋرىز ارالىعىندا تايلاندتا ەرەكشە جارىس ءوتتى.

بۇل - جىل سايىنعى پىلدەرگە مىنگەندەردىڭ پولو ويىنىنان قايىرىمدىلىق ءتۋرنيرى.

14- رەت ۇيىمداستىرىلىپ وتىرعان باسەكەگە 18 ءپىل مەن ولارعا مىنگەن ادامدار قاتىستى.

ويىن ەرەجەلەرى قاراپايىم پولو ويىنىنا ۇقسايدى. قارسىلاستىڭ قاقپاسىنا گولدى كوپ سوققان كوماندا جەڭىسكە جەتەدى. 10 كوماندا قاتىسادى. بۇگىنگى تاڭدا تايلاندتا پىلدەردىڭ تىرشىلىك ەتۋى وتە وزەكتى بولىپ وتىر. تۋرنيردە جيىلعان قاراجات وسى جاعدايلاردى جاقسارتۋعا باعىتتالادى، دەپ جازدى billionnews.ru.