استانا تۇرعىنى داۋ تۋدىرعان مۇسىنگە كويلەك كيگىزىپ قويدى
سوڭعى كەزدەرى اتالمىش ايەل بەينەسى الەۋمەتتىك جەلىلەردە ءبىراز شۋعا اينالعان ەدى. كوبىسى قازاق ايەلىنىڭ كەۋدەسى مەن بوكسەسىن جالاڭاشتاپ بەينەلەنگەنىنە قارسىلىق بىلدىرگەن ەدى.
ول مۇسىنگە تازا قازاقي ستيلدە كويلەك كيگىزبەكشى بولعان. الايدا ءمۇسىننىڭ قۇرىلىمىنا وراي، بۇل ويى تولىق جۇزەگە اسپاپتى.
«مەن ۇزاق ۋاقىت كۇتتىم. ءتىپتى الىپ تاستايتىن شىعار دەپ تە ويلادىم. اقىرىندا، وندا ءوزىم بارىپ كويلەك تىكتىم. ءتارتىپ ساقشىلارى مەنىڭ ارەكەتىمدى كوردى. مەن ولارعا بۇنىڭ ۇيات نارسە ەكەنىن ايتتىم. ولار تۇسىنىستىكپەن قارادى»، - دەيدى ول.
شولتايەۆ ءوزىنىڭ ءبىر جىلدان بەرى استانادا تۇرىپ كەلە جاتقانىنا قاراماستان، مۇنداي ەسكەرتكىشتى بىلمەيتىنىن ايتتى. ەگەر، ول كويلەكتى الىپ تاستاسا تاعى دا قايتادان تىگەتىنىن ايتتى.
«بۇل ماحاببات ەسكەرتكىشى. بىزدە ماحاببات سيمۆولى رەتىندە قوزى كورپەش پەن بايان سۇلۋدى ايتامىز. نەگە ءبىزدىڭ قىزدارىمىزعا بايان سۇلۋداي بولماسقا؟ بىزدەر شەتەلدىكتەرگە ءبىزدىڭ قىزدارىمىز تۋرالى باسقاشا كوزقاراس تۋدىرماۋىمىز كەرەك»، - دەيدى تالعات.
Stan.kz
