جامبىلداعى كەنشىلەر قالاسى جاڭاتاسقا «ماڭگىلىك ەل» پويىزى كەلدى
جامبىل وبلىسى اكىمىنىڭ باسپا ءسوز قىزمەتىنەن حابارلاعانداي، 15 - ناۋرىزدا پويىز سارىسۋ اۋدانىنىڭ جاڭاتاس قالاسىنا كەلىپ جەتتى.
دەلەگاتسيانىڭ قۇرامىندا 56 ادام بار، ولاردىڭ اراسىندا قازاقستان حالقى اسسامبلەياسى، ق ر ينۆەستيتسيالار جانە دامۋ مينيسترلىگى، ق ر قارجى مينيسترلىگىنىڭ وكىلدەرى، سونداي- اق مەديتسينالىق قىزمەتكەرلەر بار. ولار اۋداندىق مادەنيەت ۇيىندە، «نۇر وتان» پارتياسىنىڭ فيليالىندا، بالالار- جاسوسپىرىمدەر ورتالىعى، اۋداندىق ەمحانا، مۇراجاي، «قازفوسفات» ج ش س- ءنىڭ كاسىپورىندارىندا بولدى.
اۋدان تۇرعىندارىمەن كەزدەسۋ شارالارىنىڭ باعدارلاماسىنا مەملەكەت باسشىسىنىڭ قازاقستان حالقىنا جولداۋىنداعى نەگىزگى باعىتتاردى، «ماڭگىلىك ەل» ۇلتتىق يدەياسىن ءتۇسىندىرۋ كىردى. سونداي- اق مادەني- كوپشىلىك شارالار، الەۋمەتتىك سالا، دەنساۋلىق ساقتاۋ، ادىلەت جانە بانك قىزمەتكەرلەرىنىڭ كەڭەستەرى وتكىزىلۋدە.
«ماڭگىلىك ەل» ارنايى پويىزىنىڭ كەلۋىنە بايلانىستى سارىسۋ اۋدانىندا شتاب قۇرىلدى. «جاڭاتاس» تەمىرجول ستانساسىنا ءورت ءسوندىرۋ توبى جىبەرىلىپ، بۇل شاراعا قاتىستىرىلعان ۇيىمداردىڭ نىساندارىندا ەۆاكۋتسيالىق جولداردىڭ جاعدايىنا، ءورت سوندىرۋگە ارنالعان باستاپقى قۇرالداردىڭ بولۋىنا ەرەكشە كوڭىل ءبولىنىپ، جۇمىلدىرىلعان نىسانداردىڭ اۋماعىندا ينجەنەرلىك- ينسپەكتورلىق قۇرامنىڭ كەزەكشىلىگى ۇيىمداستىرىلعان»، - دەپ باياندادى سارىسۋ اۋداندىڭ ت ج ب- ءنىڭ وكىلى، ازاماتتىق قورعانىس كاپيتانى الماس داۋىلبايەۆ.
16 - ناۋرىز كۇنى تاڭەرتەڭ «ماڭگىلىك ەل» تارازعا كەلىپ جەتەدى.
