قازاقستاندا جينالعان اۆتوموبيلدەردى موڭعولياعا ەكسپورتتاۋ ماسەلەسى تالقىلاندى - فوتو
ساپار اياسىندا د. احمەتوۆ موڭعوليانىڭ ۆيتسە- پرەمەر- ءمينيسترى سەرەنداش ويۋۋنبااتورمەن، سونىمەن قاتار موڭعوليانىڭ باتىس ايماقتارىنىڭ حوۆد جانە بايان- ولگەي گۋبەرناتورلارىمەن كەزدەستى.
تاراپتار ەكى ەلدىڭ ترانزيتتىك- كولىكتىك الەۋەتىن كەڭەيتۋ، ساۋدا- ەكونوميكالىق قاتىناستاردى تەرەڭدەتۋ، قازاقستان مەن موڭعوليانىڭ شەكارالاس ايماقتارى اراسىنداعى ساۋدا- ەكونوميكالىق، سونداي- اق مادەني- گۋمانيتارلىق بايلانىستاردى دامىتۋ ماسەلەلەرىن تالقىلادى.
موڭعول تاراپىنا قازاقستاندا جاسالعان اۆتوكولىكتەردى ساتۋ مەن ولارعا قىزمەت كورسەتۋ ورتالىقتارىن قۇرۋ تۋرالى ۇسىنىس جاسالدى. سونىڭ ىشىندە «بيپەك اۆتو- ازيا اۆتو» حولدينگىنىڭ ءونىمىن موڭعوليا نارىعىنا جەتكىزۋ ماسەلەسى قارالدى.
كەلىسسوزدەر ناتيجەسىندە قاراستىرىلعان ماسەلەلەردى جۇزەگە اسىرۋ ماقساتىندا بىرلەسكەن جۇمىسشى توبىن قۇرۋ تۋرالى ۋاعدالاستىققا قول جەتكىزىلدى.
اتاپ ءوتۋ كەرەك، ش ق و اكىمى دانيال احمەتوۆ وسىعان دەيىن مۇنداي كەلىسسوزدەردى ازەربايجان پرەمەر- ءمينيسترى ارتۋر راسي- زادەمەن، قىرعىز رەسپۋبليكاسىنىڭ پرەمەر- ءمينيسترىنىڭ ورىنباسارى ولەگ پانكراتوۆ جانە تاجىكستان پرەمەر- ءمينيسترىنىڭ ورىنباسارى ازيم يبراحيممەن جۇرگىزدى.
