پارلامەنت سايلاۋىنا ق ح ر- دان كەلەتىن باقىلاۋ ميسسياسىنا ياو پەيشەن جەتەكشىلىك ەتەدى
كەزدەسۋ بارىسىندا قازاق ديپلوماتى الداعى سايلاۋ ناۋقانىنا دايىندىق بارىسىمەن تانىستىرىپ، پارتيالاردىڭ ساياسي باعدارلامالارى جونىندە قىسقاشا مالىمەت بەرە كەتتى. سونداي- اق قازاقستاندا جۇزەگە اسىرىلىپ جاتقان رەفورمالار مەن ستراتەگيالار، ونىڭ ىشىندە «100 ناقتى قادام» - ۇلت جوسپارى بويىنشا بەس ينستيتۋتسيونالدىق رەفورما بارىسىن ايتىپ ءوتتى.
ياو پەيشەن قازاقستان قىتايدىڭ جان- جاقتى ستراتەگيالىق سەرىكتەسى ەكەندىگىن اتاپ ءوتتى. سوندىقتان قىتاي تاراپى الداعى سايلاۋ ۇدەرىسىنە جانە ونىڭ ناتيجەلەرىنە بارىنشا ءمان بەرەدى. ول كەزەكتەن تىس پارلامەنتتىك سايلاۋ وتكىزۋ قازاقستاندىق قوعامدى ءسوزسىز دەموكراتيالاندىرۋعا ىقپال ەتەتىنىن اتاپ ءوتتى.
سونىمەن بىرگە، ق ر مەن ق ح ر اراسىنداعى ءوڭىرارالىق ىنتىماقتاستىقتى بۇدان ءارى دامىتۋعا قاتىستى، سونداي- اق ەكى ەلدىڭ ينتەلەكتۋالدىق ورتالىقتارى مەن عىلىمي- تەحنيكالىق قۇرىلىمدارى اراسىنداعى ءوزارا ءىس- قيمىل جاساسۋدى نىعايتۋ جايىندا پىكىر الماسىلدى.
