15:36, 15 - ناۋرىز 2016 | GMT +5
كوممۋنيستەر قاراعاندىدا اسپانعا پارتيا بەينەلەمەسى بار شاردى ۇشىردى
قاراعاندى. قازاقپارات - قاراعاندىدا «ءبىزدىڭ ورتاق ءىسىمىز ءۇشىن!» ۇرانىمەن قازاقستان كوممۋنيستىك حالىق پارتياسىنىڭ اكسياسى ءوتتى.
پارتيالىقتار قالادا رەترو-اۆتوموبيلدەرمەن(كونە اۆتوموبيلدەرمەن - رەد.) ءجۇرىپ، اسپانعا شار ۇشىردى. بۇدان باسقا، كوممۋنيستەر ۇگىت ماتەريالدارىن تاراتىپ، وتانداستارىن 20 -ناۋرىزدا سايلاۋعا قاتىسۋعا شاقىردى.
«ءبىز ادامنىڭ جاسامپاز ەڭبەگىنسىز بولۋى مۇمكىن ەمەس كووپەراتسيا جانە يندۋستريالاندىرۋ يدەيالارىن ناسيحاتتاپ وتىرمىز. ءبىز ادامزاتتى دامىتۋ كوبىنە اركىمنىڭ ەڭبەگىنىڭ اقتالۋىنا بايلانىستى دەپ سانايمىز»، - دەپ اتاپ ءوتتى ق ر پارلامەنتى ماجىلىسىنە ق ك ح پ- نىڭ اتىنان كانديدات الەكساندر زەۆاحين.
اكسيا ۇيىمداستىرۋشىلارىنىڭ ويىنشا، رەترو-اۆتومبيلدەر تاريحتى، ال شار - جاڭا جەتىستىكتەردى بەينەلەيدى.
