ب. نەتانياحۋدىڭ استاناعا ساپارى ەكىجاقتى بايلانىستى تەرەڭدەتۋگە سەرپىن بەرەدى دەپ سەنەمىز - ن. نازاربايەۆ
بۇل تۋرالى بۇگىن اقوردادا ءبىرقاتار شەت ەل ەلشىسىنەن سەنىم گراموتاسىن قابىلداعان ەلباسى ن. نازاربايەۆ ايتتى.
«قازاقستان يزرايلمەن ىنتىماقتاستىقتىڭ اياسىن كەڭەيتۋگە ايرىقشا ءمان بەرەدى. ساۋدا- ەكونوميكالىق ىنتىماقتاستىق ءبىزدىڭ قارىم- قاتىناستارىمىزدىڭ ماڭىزدى بولىگى بولىپ سانالادى. بۇگىندە قازاقستاندا يزرايل كاپيتالىنىڭ قاتىسۋىمەن 270-تەن استام كاسىپورىن جۇمىس ىستەپ جاتىر. قازىرگى داعدارىس جاعدايىندا بارلىق باعىتتار بويىنشا قاۋىمداسۋدىڭ ماڭىزى زور»، - دەپ اتاپ ءوتتى ەلباسى.
وسى رەتتە مەملەكەت باسشىسى اقپاراتتىق تەحنولوگيالار، يننوۆاتسيا، مەديتسينا جانە اۋىل شارۋاشىلىعى پەرسپەكتيۆالى سالالارعا اينالىپ وتىرعانىن باسا ايتتى.
«استانادا، وزدەرىڭىز بىلەسىزدەر، «ەكسپو-2017» حالىقارالىق كورمەسىن وتكىزۋ تۇرعىسىنان ءبىز يزرايلدىڭ وزىق تەحنولوگياسىنا جانە بالامالى ەنەرگەتيكا سالاسىنداعى جاڭالىقتارىنا مۇددەلىمىز. يزرايلدىڭ ەۋرازيالىق ەكونوميكالىق وداقپەن ەركىن ساۋدا ايماعى جونىندەگى كەلىسىمگە قول قويۋعا ۇمىتىلىسىن ءبىز قولدايمىز. يزرايل پرەمەر- ءمينيسترى بينيامين نەتانياحۋدىڭ استاناعا جوسپارلانىپ وتىرعان رەسمي ساپارى ەكى جاقتى بايلانىستاردى تەرەڭدەتۋگە سەرپىن بەرەدى دەگەن سەنىمدەمىز»، - دەدى ن. نازاربايەۆ.
اۆتور: مارلان جيەمباي
