ق ر پرەزيدەنتى تاشكەنتتە وتەتىن ش ى ۇ- نىڭ كەزەكتى وتىرىسىنا قاتىسۋدى جوسپارلاۋدا

استانا. قازاقپارات - وزبەكستاندى ورتالىق ازيا وڭىرىندەگى ستراتەگيالىق سەرىكتەس رەتىندە قاراستىرامىز.

بۇل تۋرالى بۇگىن اقوردادا ءبىرقاتار شەتەل ەلشىسىنەن سەنىم گراموتاسىن قابىلداعان ەلباسى نۇرسۇلتان نازاربايەۆ ايتتى.

 «وزبەكستاندى ورتالىق ازيا وڭىرىندەگى ستراتەگيالىق سەرىكتەس رەتىندە قاراستىرامىز. وتكەن اپتادا، 11 - ناۋرىزدا ەكىجاقتى ىنتىماقتاستىق جونىندە بىرلەسكەن ۇكىمەتارالىق كوميسسيانىڭ 15- وتىرىسى ءوتتى. قول جەتكىزىلگەن ۋاعدالاستىقتاردى جۇزەگە اسىرۋ قازاقستان- وزبەك قاتىناستارىن جاڭا ساپالى دەڭگەيگە شىعارادى دەپ سەنەمىن»، - دەدى ق ر پرەزيدەنتى.

مەملەكەت باسشىسى ساۋدا- ەكونوميكالىق، مادەني- گۋمانيتارلىق ىنتىماقتاستىقتىڭ بارلىق باعىتتارى بويىنشا ەكى ەلدىڭ ءتيىمدى ىقپالداسۋعا مۇمكىندىگى بار ەكەندىگىن باسا ايتتى.

 «وزبەكستان پرەزيدەنتى يسلام كارىموۆ مىرزانىڭ قازاقستانعا سوڭعى ساپارى اياسىنداعى كەلىسىمدەر بويىنشا مەن دە تاشكەنتكە ءوز ساپارىمدى ۇيىمداستىرامىن دەپ سەنەمىن. ماۋسىم ايىندا تاشكەنتتە وتەتىن شاڭعاي ىنتىماقتاستىق ۇيىمىنىڭ كەزەكتى وتىرىسىنا قاتىسۋدى جوسپارلاپ وتىرمىن»، - دەدى ن. نازاربايەۆ .

ايتا كەتەيىك، بۇگىن اقوردادا قتر پرەزيدەنتىنە ب ۇ ۇ دامۋ باعدارلاماسىنىڭ قازاقستانداعى تۇراقتى وكىلى، ب ۇ ۇ- نىڭ تۇراقتى ۇيلەستىرۋشىسى نوريماسا شيمومۋرا، يزرايل ەلشىسى ميحايل برودسكي، وزبەكستان ەلشىسى يكروم نازاروۆ، ازەربايجان ەلشىسى راشاد ماممادوۆ، تايلاند ەلشىسى نات پينوۆاتتاناچيپ سەنىم گراموتاسىن تابىس ەتكەن بولاتىن.

 اۆتور: مارلان جيەمباي