قازاقستان ب ۇ ۇ دامۋ باعدارلاماسىنىڭ ءوزارا ءىس-قيمىلىن قولدايدى - ەلباسى

استانا. قازاقپارات - قازاقستان بىرىككەن ۇلتتار ۇيىمى دامۋ باعدارلاماسىنىڭ ءوزارا ءىس- قيمىلىن قولدايدى.

بۇل تۋرالى بۇگىن اقوردادا ب ۇ ۇ دامۋ باعدارلاماسىنىڭ قازاقستانداعى تۇراقتى وكىلى، ب ۇ ۇ- نىڭ تۇراقتى ۇيلەستىرۋشىسى نوريماسا شيمومۋرادان سەنىم گراموتاسىن قابىلداعان ەلباسى نۇرسۇلتان نازاربايەۆ ايتتى.

«قازاقستان ۇكىمەتى مەن ب ۇ ۇ اراسىنداعى 2016-2020-جىلدارعا ارنالعان نەگىزدەمەلىك سەرىكتەستىك باعدارلاماسى دا ىنتىماقتاستىقتىڭ جاڭا، ساپالى دەڭگەيگە شىققانىن كورسەتەدى. ب ۇ ۇ دامۋ باعدارلاماسىنىڭ ءوزارا ءىس-قيمىلى ءۇش ۆەكتوردى قامتيدى. ونى قازاقستان قولدايدى. ب ۇ ۇ- نىڭ سەمەي وبلىسىن ايماقتىق دامىتۋ جونىندەگى بىرلەسكەن باعدارلاماسىن وڭ باعالايمىز»، - دەدى ن. نازاربايەۆ.

ايتا كەتەيىك، بۇگىن اقوردادا ق ر پرەزيدەنتىنە ب ۇ ۇ دامۋ باعدارلاماسىنىڭ قازاقستانداعى تۇراقتى وكىلى، ب ۇ ۇ- نىڭ تۇراقتى ۇيلەستىرۋشىسى نوريماسا شيمومۋرا، يزرايل ەلشىسى ميحايل برودسكي، وزبەكستان ەلشىسى يكروم نازاروۆ، ازەربايجان ەلشىسى راشاد ماممادوۆ، تايلاند ەلشىسى نات پينوۆاتتاناچيپ سەنىم گراموتاسىن تابىس ەتكەن بولاتىن.

اۆتور: مارلان جيەمباي