ەركىن ەكونوميكالىق ايماق «قورعاستىڭ» الەۋەتى زور، مۇمكىندىگى مول
ساپار بارىسىندا پانفيلوۆ اۋدانىنداعى ءبىرقاتار نىسانداردى «ق ت ج» ا ق پرەزيدەنتى اسقار مامين، الماتى وبلىسىنىڭ اكىمى اماندىق باتالوۆ جانە باسقا دا جاۋاپتى تۇلعالار بىرگە ارالادى.
رەسمي دەلەگاتسيانىڭ العاشقى توقتاعان نىسانى «قورعاس» حالىقارالىق شەكارا ماڭى ىنتىماقتاستىق ورتالىعى، ونىڭ قازاقستاندىق جانە قىتايلىق بولىگى، «قورعاس» ەركىن ەكونوميكالىق ايماعىنىڭ باقىلاۋ - وتكىزۋ پۋنكتى مەن نىسانداردىڭ ينفراقۇرىلىمى بولدى. ۇكىمەت باسشىسىنىڭ ءبىرىنشى ورىنباسارى نىساننىڭ بۇدان ءارى قارايعى دامۋ مۇمكىندىكتەرىمەن تانىستى.
«قورعاس» ش ى ح و- نىڭ تولىققاندى ىسكە قوسىلۋى 2018 - جىلعا مەجەلەنىپ وتىرعانىن اتاپ ءوتۋ كەرەك. بۇگىنگى كۇنى جوسپارلانعان 91 ينفراقۇرىلىم نىساندارىنىڭ 73- ءنىڭ قۇرىلىسى اياقتالعان، ونىڭ 41- ءى ىسكە قوسىلدى. 2015 - جىلى تارتىلعان جەكە ينۆەستيتسيا كولەمى 0,94 ميلليارد تەڭگەگە جۋىقتادى. «قورعاس» ش ى ح و» ا ق پرەزيدەنتى ۆاسيلي نيدىڭ ايتۋىنشا، جىلدىڭ سوڭىنا دەيىن تاعى ەكى نىسان ىسكە قوسىلادى - سىرتقى ينفراقۇرىلىمى بار ورتالىق الاڭ جانە قولونەرشىلەر قالاسى.
مۇنان سوڭ «جاركەنت» ب ءو پ تانىستىرىلىپ، ۇكىمەت باسشىسىنىڭ ءبىرىنشى ورىنباسارى پۋنكتتى ارالاپ كوردى.
سونداي- اق دەلەگاتسيا «قورعاس - شىعىس قاقپاسى» ە ە ا قۇرعاق پورت اۋماعىندا بولدى. مۇندا بۇگىنگى كۇنى قۇرعاق پورتتىڭ ەكىنشى كەزەگى نىساندارىنىڭ قۇرىلىس جۇمىستارى % 80 اياقتالعان. بۇعان دەيىن 2014 -جىلدىڭ سوڭىندا قۇرعاق پورتتىڭ ءبىرىنشى كەزەڭى قولدانىسقا بەرىلگەن بولاتىن. ءبىرىنشى كەزەگىنىڭ ىسكە قوسىلۋى بارىسىندا 300-گە تارتا جۇمىس ورنى قۇرىلدى. وتكەن جىلى قۇرعاق پورتتىڭ وپەراتورى «KTZE - Khorgos Gateway» ج ش س 19 مىڭنان استام كونتەينەردى وڭدەدى، بيىلعى جىلى ونىڭ سانىن 200 مىڭعا جەتكىزۋ كوزدەلگەن، ال 2020 - جىلعا قاراي 500 مىڭ كونتەينەرلىك جوبالىق قۋاتتىلىققا شىعۋ مىندەتى تۇر. سونىمەن قاتار قالعان قۇرىلىس نىساندارىن بيىلعى جىلدىڭ ءبىرىنشى جارتىسىندا اياقتاۋ جوسپارلانعان.
پرەمەر- ءمينيستردىڭ ءبىرىنشى ورىنباسارى ب. ساعىنتايەۆ ساپار سوڭىنا قاراي «التىنكول» ستانساسىنا بارىپ، باقىلاۋ- وتكىزۋ پۋنكتىنىڭ جۇمىسىمەن تانىسىپ، ينفراقۇرىلىم نىساندارىن، «باتىس قىتاي- باتىس ەۋروپا» تاس جول داڭعىلىنىڭ قۇرىلىسىن ارالاپ كوردى.
ۇكىمەت باسشىسىنىڭ ءبىرىنشى ورىنباسارى ب. ساعىنتايەۆ قىتايمەن شەكارالىق اۋماقتا - پانفيلوۆ اۋدانىندا ورنالاسقان ستراتەگيالىق ماڭىزى زور نىسانداردىڭ قۇرىلىسىمەن جانە جۇمىسىمەن تانىسۋ بارىسىندا «قورعاس - شىعىس قاقپاسى» ەركىن ەكونوميكالىق ايماعى مەن تەڭىزدەگى ساۋدا جولدارىن ءتيىمدى الماستىرا الاتىن قۇرعاق پورتتىڭ ەلىمىزدىڭ ەكونوميكاسىن دامىتۋداعى رولىنە توقتالىپ، دامۋ الەۋەتى زور ەكەنىن ايتتى. «نۇركەنت» كەنتىنىڭ بولاشاقتا بارلىق قاجەتتى الەۋمەتتىك ماڭىزدى نىساندارى بار، جاڭا جۇمىس ورىندارى اشىلاتىن ۇلكەن قالاعا اينالاتىنىن دا تىلگە تيەك ەتتى. ەلباسىنىڭ تاپسىرماسىنا بايلانىستى اتالعان نىسانداردىڭ الەۋەتىن تولىققاندى پايدالانۋعا باعىتتالعان جۇمىستى ودان ءارى دامىتۋدى تاپسىرىپ، وعان بارلىق مۇمكىندىكتەردىڭ بار ەكەنىن اتاپ ءوتتى، دەپ حابارلايدى الماتى وبلىسى اكىمىنىڭ باسپا ءسوز قىزمەتى.
