دەنساۋلىق: ءجۇزىم كورۋ قابىلەتىن جاقسارتادى

استانا. قازاقپارات - ءجۇزىمنىڭ قۇرامىندا دەنساۋلىق ءۇشىن پايدالى انتيوكسيدانتتار مول، ول كوزدىڭ ىشكى تور قابىعىنىڭ دەنساۋلىعىن ساقتاۋعا كومەكتەسەدى.

مايامي ۋنيۆەرسيتەتى عالىمدارىنىڭ انىقتاۋىنشا، بۇل جەمىستى ۇنەمى جەۋ كورۋ قابىلەتىنىڭ ناشارلاۋى مەن سوقىرلىق قاۋپىن ايتارلىقتاي ازايتادى.

اتا-انالارى ءسابىزدىڭ كورۋ قابىلەتى ءۇشىن وتە پايدالى دەپ ساناپ، بالالارىنا جەگىزگەن. الايدا امەريكا عالىمدارى بالالاردىڭ كورۋ قابىلەتىن قورعاۋ ءۇشىن ودان دا ءدامدى ءارى پايدالى ونىمدەر بار ەكەنىن انىقتادى. ولاردىڭ ءبىرى ەگدە جاستا كورۋ قابىلەتىنەن ايىرىلۋ جانە سوقىرلىق قاۋپىن ايتارلىقتاي ازايتاتىن - وسى ءجۇزىم.

مايامي ۋنيۆەرسيتەتىنىڭ عالىمدارى ءجۇزىمدى ۇنەمى جەۋ اعزادا ەركىن راديكالدار دەپ اتالاتىن زياندى مولەكۋلالار كوزدىڭ ىشكى تور قابىعىنا كىرۋىنە جول بەرمەيتىندىگىن انىقتادى. انتيوكسيدانتتارعا مول جيدەكتەر ساۋ جاسۋشالاردى دنك زاقىمدانۋىنان قورعايدى، دەپ جازادى شەتەلدىك ب ا ق.