ماڭگىلىك ەل پويىزى شىمكەنتكە كەلدى
تاۋەلسىزدىك جىلدارىنداعى جەتىستىكتەرىن ايشىقتايتىن الەۋمەتتىك پويىزدا مادەنيەت جانە سپورت قايراتكەرلەرى، قازاقستان حالقى اسسامبلەياسى، مەملەكەتتىك ورگاندار مەن ۇيىمدارىنىڭ وكىلدەرى جانە ونەرپازدار بار.
شىرايلى شاھارعا توقتاعان «ماڭگىلىك ەل» پويىزى جولاۋشىلارىن قالا باسشىسى عابيدوللا ءابدىراحىموۆ قارسى الدى.
اتالعان پويىزدىڭ مۇشەلەرى ءبىر كۇن بويىنا تۇرعىندارعا مەديتسينالىق، الەۋمەتتىك ماسەلەلەر مەن مەملەكەتتىك قىزمەت كورسەتۋ بويىنشا، بيزنەس جانە كاسىپكەرلىك كەڭەستەر بەرىپ جاتىر. شارا «تۇركىستان» سارايىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان كونسەرتكە ۇلاسپاق.
ايتا كەتەيىك، قازاقستاندىق پاتريوتيزمدى قالىپتاستىرۋعا، قوعامدىق كەلىسىمدى قامتاماسىز ەتۋگە سەپتىگىن تيگىزەتىن الەۋمەتتىك پويىزدىڭ باعىتى 33 شالعاي ەلدى مەكەندە ايالدايتىن 33 كۇننەن تۇرادى.
«ماڭگىلىك ەل» پويىزى كەشە كونە تاريحي قالا - تۇركىستانعا تۇراقتاسا، بۇگىن 29- ايالداماسىن شىمكەنت شاھارىنا ارناپ وتىر.
