ماڭگىلىك ەل پويىزى مۇشەلەرى تۇرعىندارمەن كەزدەسىپ، ءتۇرلى شارالارعا قاتىستى - قىزىلوردا
دەلەگاتسيا مۇشەلەرى اسقار توقماعانبەتوۆ اتىنداعى قالالىق مادەنيەت ۇيىندە مەملەكەتتىك قىزمەتكەرلەردىڭ، ءتۇرلى سالا باسشىلارى مەن قالا تۇرعىندارىنىڭ قاتىسۋىمەن وتكەن جيىندا بولدى. جيىن بارىسىندا پويىز جەتەكشىسى، قازاقستان حالقى اسسامبلەياسىنىڭ مۇشەسى ءامىرجان الپەيىسوۆ، استانا قالاسىنىڭ «قوعامدىق كەلىسىم ورتالىعى» ديرەكتورى تالعات جاقيانوۆ ءسوز الىپ، «ماڭگىلىك ەل» يدەياسىن، قر پرەزيدەنتى ن. ءا. نازاربايەۆتىڭ «قازاقستان جاڭا جاھاندىق احۋالدا: ءوسىم، رەفورمالار، دامۋ» اتتى قازاقستان حالقىنا جولداۋىن، «100 ناقتى قادام» ۇلت جوسپارىنداعى ەلباسىنىڭ العا قويعان باستى مىندەتتەر مەن ماقساتتارىنا توقتالدى. ودان كەيىن قوناقتار جوسپارعا سايكەس جۇمىستارىن جالعاستىردى.
وبلىستىق دياگنوستيكالىق ورتالىقتا مەديتسينا ماماندارى تۇرعىنداردى قابىلداپ، تەگىن كەڭەس بەرۋدە. ال حالىققا قىزمەت كورسەتۋ ورتالىعىندا سالا ماماندارى مەملەكەتتىك قىزمەت تۇرلەرىن ءتيىمدى پايدالانۋ جولدارىمەن ءبولىستى. سونىمەن قاتار قالا تۇرعىندارى ورتا جانە كىشى كاسىپكەرلىكتى دامىتۋ باعدارلامالارى بويىنشا سۇراقتارىنا جاۋاپ الدى.
قوناقتار №278 ورتا مەكتەپتىڭ تۇلەكتەرىمەن كەزدەسۋ وتكىزىپ، «ماڭگىلىك ەل جاستارى - يندۋسترياعا!» باعدارلاماسىن ءتۇسىندىردى. ءارى قاراي «قىز جىبەك» مەيرامحاناسىندا وتكەن مۇگەدەك بالالارعا ارنالعان قايىرىمدىلىق اكسياسىنا قاتىستى.
مۇنان كەيىن پويىز مۇشەلەرى دوستىق ءۇيى عيماراتىن ارالاپ، ءتۇرلى ەتنوستىڭ قۇندى جادىگەرلەرى قويىلعان مۇراجايمەن، كونتسەرتتىك زال، ەمب كابينەتتەرمەن جانە كىتاپحانامەن تانىسىپ، قحا قىزىلوردا وبلىستىق حاتشىلىعى باسشىلىعىمەن، قىزىلوردا وبلىسى اكىمى اپپاراتىنىڭ «قوعامدىق كەلىسىم» ك م م باسشىلىعىمەن كەزدەستى.
ودان ءارى دوستىق ءۇيىنىڭ ءماجىلىس زالىندا «بەيبىتشىلىك جانە كەلىسىم ۇلگىسى - قازاقستان برەندى» تاقىرىبىندا دوڭگەلەك ۇستەل، سەمينار- ترەنينگ جانە فوكۋس توپپەن جۇمىس جاسالادى. مۇندا ءاربىر قاتىسۋشى ءوز ويىن ورتاعا سالىپ، پىكىر الماستى.
ءا. تاجىبايەۆ اتىنداعى وبلىستىق امبەباپ كىتاپحاناسىندا كورەي ءتىلىن وقىتۋ كابينەتىنىڭ جۇمىسىمەن تانىسىپ، «تەڭدەسسىز سىيلىق» اكتسياسى ءوتتى. پويىز مۇشەلەرى ەتنوسارالىق قارىم- قاتىناسقا ارنالعان «تەڭدەسسىز سىيلىق» كىتاپتار جيناعىن ءا. تاجىبايەۆ اتىنداعى وبلىستىق امبەباپ كىتاپحاناسىنا سىيعا بەردى.
«ماڭگىلىك ەل» پويىزى اكسياسىنا قاتىسۋشى وكىلدەرمەن ورتالىق كوممۋنيكاتسيالار قىزمەتىندە ب ا ق وكىلدەرىمەن بريفينگ وتكىزىلدى. دوستىق ءۇيىنىڭ كونتسەرت زالىندا قر تاۋەلسىزدىگىنىڭ 25 جىلدىعىنا ارنالعان «ماڭگىلىك ەل» اكسياسىنىڭ گالا- كونسەرتىمەن ساپار قورىتىندىلاندى.
اۆتور: ەلۋباي اۋەزوۆ
