ماڭگىلىك ەل پويىزى سىر ەلىنە كەلىپ جەتتى
جالپى، رەسپۋبليكالىق اكسيا اياسىندا وڭىرگە تابان تىرەگەن توپ قۇرامىن سىربويىلىقتار ءسان- سالتاناتىمەن قارسى الدى. تاڭسارىدەن تەمىرجول ۆوكزالى ءان- مەن جىرعا بولەندى.
«ماڭگىلىك ەل» يدەياسىن دارىپتەگەن دەلەگاتسيا مۇشەلەرى تۇرعىندارمەن كەزدەسىپ، ەلباسى جولداۋىن جانە «100 ناقتى قادام» ۇلت جوسپارىن كەڭىنەن ءتۇسىندىردى.
سونىمەن قاتار وبلىستىق كەڭەس بەرۋ دياگنوستيكالىق ورتالىعىندا 25 ءتۇرلى مەديتسينالىق قىزمەت كورسەتىلدى. بىلىكتى دارىگەرلەر تۇرعىندارعا پايدالى كەڭەستەن بولەك رەسپۋبليكالىق اۋرۋحانالارعا جولداما بەردى. سونداي- اق دەلەگاتسيا مۇشەلەرى دوستىق ۇيىندە وتكەن «بەيبىتشىلىك جانە كەلىسىم ۇلگىسى - قازاقستان برەندى» اتتى جيىنعا قاتىستى. «ماڭگىلىك ەل» پويىزىنىڭ وكىلدەرى قايىرىمدىلىق شاراسىنا دا قاتىسىپ، مۇمكىندىگى شەكتەۋلى 30 بالعىنعا كيىم- كەشەك سىيلادى.
