قازاقستاندىق بوكسشىلار تاجىريبە الماسۋ اياسىندا ا ق ش- قا بارادى
دەلەگاتسيا قاتىسۋشىلارىنىڭ اراسىندا قازاقستاننىڭ ءتۇرلى ايماقتارىنان جينالعان جەتى ەر ادام مەن بەس ايەل بار. ولاردى قازاقستان بوكس فەدەراتسياسى جاس سپورتشىلار مەن جاتتىقتىرۋشىلاردىڭ كوشباسشىلىق قاسيەتتەرىن مويىنداۋ بەلگىسى رەتىندە تاڭداپ الدى.
دەلەگاتسيانىڭ قاتىسۋشىلارى ۆاشينگتون، كولۋمبيا جانە لۋيسۆيلل وكرۋگتەرى، كەنتۋككي شتاتىندا سپورتتىق ءبىلىم بەرۋ باعدارلامالارىنىڭ كومەگىمەن جاستاردى دامىتۋ مۇمكىندىكتەرى تۋرالى اقپارات الادى.
مۇحاممەد ءالي دۇنيەگە كەلگەن لۋيسۆيلل قالاسىندا ونىڭ ەسىمى بەرىلگەن ورتالىقتا دەلەگاتسيا ونىڭ مەكتەپتەر مەن بوكس سەكتسيالارىندا پايدالانىلاتىن ءبىلىم بەرۋ باعدارلاماسىمەن تانىسادى.
بۇدان بولەك، باعدارلاماعا ۆاشينگتون، كولۋمبيا وكرۋگىندەگى قوعامدىق سپورتتىق ورتالىقتارعا جانە روكۆيلل، مەريلەند شتاتىنداعى «Sugar Ray Leonard» جاتتىعۋ ورتالىعىنا بارۋ ەنىپ وتىر. نيۋ-يوركتە دەلەگاتتار بوكستان امەريكاندىق ايەلدەر قۇراماسىنىڭ مۇشەلەرىمەن كەزدەسەدى.
