ماڭگىلىك ەل پويىزى - قىزىلوردا قالاسىندا
وبلىس اكىمىنىڭ ورىنباسارى عالىمجان امىرەيەۆ پەن قالا اكىمىنىڭ ورىنباسارى ايدىن قايرۋللايەۆ باستاعان سىر ءوڭىرىنىڭ تۇرعىندارى پويىز جولاۋشىلارىن ءسان- سالتاناتپەن كۇتىپ الدى. تەمىرجول ۆوكزالىنا جينالعان تۇرعىندارعا پويىز مۇشەلەرى شارانىڭ ماڭىزىن ءتۇسىندىردى.
سودان كەيىن دەلەگاتسيا مۇشەلەرى اسقار توقماعامبەتوۆ اتىنداعى قالالىق مادەنيەت ۇيىندە مەملەكەتتىك قىزمەتكەرلەردىڭ، ءتۇرلى سالا باسشىلارى مەن قالا تۇرعىندارىنىڭ قاتىسۋىمەن وتكەن جيىندا بولدى. جيىن بارىسىندا «ماڭگىلىك ەل» پويىزى شتابىنىڭ جەتەكشىسى، قازاقستان حالقى اسسامبلەياسىنىڭ مۇشەسى ءامىرجان الپەيىسوۆ، استانا قالاسىنىڭ «قوعامدىق كەلىسىم ورتالىعى» ديرەكتورى تالعات جاقيانوۆ ءسوز الىپ، «ماڭگىلىك ەل» يدەياسىن، ق ر پرەزيدەنتى ن. ءا. نازاربايەۆتىڭ «قازاقستان جاڭا جاھاندىق احۋالدا: ءوسىم، رەفورمالار، دامۋ» اتتى قازاقستان حالقىنا جولداۋىن، «100 ناقتى قادام» ۇلت جوسپارىنداعى ەلباسىنىڭ العا قويعان باستى مىندەتتەر مەن ماقساتتارىنا توقتالدى. ودان كەيىن قوناقتار جوسپارعا سايكەس جۇمىستارىن جالعاستىردى.
وبلىستىق دياگنوستيكالىق ورتالىقتا مەديتسينا ماماندارى تۇرعىنداردى قابىلداپ، تەگىن كەڭەس بەرۋدە. ال حالىققا قىزمەت كورسەتۋ ورتالىعىندا سالا ماماندارى مەملەكەتتىك قىزمەت تۇرلەرىن ءتيىمدى پايدالانۋ جولدارىمەن ءبولىستى. سونىمەن قاتار قالا تۇرعىندارى ورتا جانە كىشى كاسىپكەرلىكتى دامىتۋ باعدارلامالارى بويىنشا سۇراقتارىنا جاۋاپ الدى.
قوناقتار №278 ورتا مەكتەپتىڭ تۇلەكتەرىمەن كەزدەسۋ وتكىزىپ، «ماڭگىلىك ەل جاستارى - يندۋسترياعا!» باعدارلاماسىن ءتۇسىندىردى. ارى قاراي «قىز جىبەك» مەيرامحاناسىندا وتكەن مۇگەدەك بالالارعا ارنالعان قايىرىمدىلىق اكسياسىنا قاتىستى.
اۆتور: ەلۋباي اۋەزوۆ
