20:31, 11 - ناۋرىز 2016 | GMT +5
مەملەكەتتىك ءتىل ساياساتى: باسىم باعىتتار مەن مىندەتتەر اتتى وبلىستىق سەمينار- كەڭەس
قىزىلوردا. قازاقپارات - بۇگىن، 11 -ناۋرىز كۇنى قىزىلوردا وبلىستىق ىشكى ساياسات باسقارماسىنىڭ ۇيىمداستىرۋىمەن «مەملەكەتتىك ءتىل ساياساتى: باسىم باعىتتار مەن مىندەتتەر» اتتى وبلىستىق سەمينار- كەڭەس وتكىزىلدى، دەپ حابارلادى باسقارمانىڭ باسپا ءسوز قىزمەتىنەن.
شارانىڭ ماقساتى - مەملەكەتتىك ءتىل ساياساتىن جۇزەگە اسىرۋ، مەملەكەتتىك ءتىلدىڭ قولدانىس اياسىن كەڭەيتۋ، قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 -جىلدارعا ارنالعان مەملەكەتتىك باعدارلاماسىنا ەنگىزىلگەن وزگەرىستەر بويىنشا ءتۇسىندىرۋ جۇمىستارىن جۇرگىزۋ، تىلدەردىڭ ءۇشتۇعىرلىعىن ناسيحاتتاۋ.
سەمينار- كەڭەسكە وبلىستىق، اۋماقتىق باسقارمالار مەن دەپارتامەنتتەردىڭ، قۇقىق قورعاۋ جانە سوت ورگاندارىنىڭ جانە قالالىق، اۋداندىق مادەنيەت جانە تىلدەردى دامىتۋ بولىمدەرى ماماندارى، ءتىل جاناشىرلارى، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ءتىلشى- عالىمدارى، تىلدەردى وقىتۋدىڭ وڭىرلىك ورتالىعىنىڭ قىزمەتكەرلەرى، ب ا ق وكىلدەرى قاتىستى.
