قازاقستان انتاركتيدادا پوليارلىق ستانسانى اشۋعا نيەتتى
بۇل تۋرالى بۇگىن قازاقپارات تىلشىسىنە بەرگەن سۇحباتىندا ءبىرىنشى قازاقستاندىق وڭتۇستىك پوليۋس عىلىمي ەكسپەديتسياسىنىڭ قاتىسۋشىسى، گەوگرافيا عىلىمدارىنىڭ دوكتورى، ل. ن گۋميليەۆ اتىنداعى ە ۇ ۋ پروفەسسورى وردەنبەك مازبايەۆ ءمالىم ەتتى.
«ءبىزدىڭ ەكسپەديتسيا جاساعانىمىزعا بەس جىل ءوتتى. وسى ورايدا قازاقستاننىڭ انتاركتيدا جونىندەگى حالىقارالىق كەلىسىمگە قوسىلۋىن جانە ونى مىندەتتى راتيفيكاتسيالاعانىن قالايمىز. جاقىن ارادا قازاقستاندىق پوليارلىق ستانسانى اشۋىمىز قاجەت. تۋريزم جانە گەوگرافيا عىلىمي- زەرتتەۋ ينستيتۋتى ارقىلى ءبىز وسى ماسەلەنى ۇكىمەت دەڭگەيىندە كوتەرمەكپىز»، - دەدى ول.
ونىڭ سوزىنە قاراعاندا، 2041 - جىلى بۇل كەلىسىمنىڭ كۇشى جويىلادى جانە قاتىسۋشىلار اراسىندا انتاركتيدانى ءبولۋ باستالادى. «قازىرگى كەزدە قىتايدا ءتورت ستانسا بار. رەسەيدىڭ ەنشىسىندە كەڭەس وداعىنىڭ بارلىق ستانسالارى قالدى. بەلارۋس، ۋكراينا، لاتۆيا، ەستونيا كەلىسىمگە قاتىسۋشى ەلدەر رەتىندە تىركەلىپ، وزدەرىنىڭ ستانسالارىنا يەلىك ەتۋدە. بىزگە ستانسا قازاقستاندىق عىلىمدى، ياعني بيلوگيانى، مەديتسينانى، كليماتولوگيانى، پسيحولوگيانى جانە گەوگرافيانى دامىتۋ ءۇشىن قاجەت. اتاپ ايتقاندا، بۇل جەر زەرتتەۋ جۇمىستارىن جۇرگىزۋ الاڭى بولىپ تابىلادى»، - دەدى و. مازبايەۆ.
قازىرگى تاڭدا انتاركتيدا تۋرالى كەلىسىم بويىنشا جانە وڭتۇستىك پوليۋس تۋرالى حالىقارالىق كەلىسىم بويىنشا بۇل ايماقتا تەك قانا عىلىمي- زەرتتەۋ جۇمىستارى جۇرگىزىلەدى.
اۆتور: رۋسلان عابباسوۆ
