قازاقستاندىق اۋىر اتلەت ءومىر بويىنا سپورتتان شەتتەتىلدى
بۇل تۋرالى اۋىر اتلەتيكا فەدەراتسياسىنان حابارلادى.
وسىعان دەيىن سپورتشى دوپينگكە قارسى ەرەجەلەردى بۇزعانى ءۇشىن 2012-2014-جىلدارى ارالىعىندا سپورتتىق شارالاردان شەتتەتىلگەن. سپورتقا ورالعاننان كەيىن ۇلتتىق جانە حالىقارالىق دەڭگەيدەگى جارىستارعا قاتىستى.
2015-جىلى 7- قىركۇيەكتە تايلاندتا وتكەن اۋىر اتلەتيكا بويىنشا ازيا چەمپيوناتىنىڭ قورىتىندىسى بويىنشا سپورتشىدان الىنعان دوپينگ-باقىلاۋدىڭ «ا» سىناماسىندا تىيىم سالىنعان زاتتاردىڭ بولعانى انىقتالدى. ىشكى تەرگەۋ قورىتىندىسى اتالعان پرەپاراتتى ادەيى قولدانعانىن كورسەتتى.
اتالعان فاكتىلەرگە سايكەس، تارتىپتىك كەڭەس سپورتشىنى ءومىر بويىنا جارىستاردان شەتتەتۋ شەشىمىن قابىلدادى.
«اۋىر اتلەتيكا فەدەراتسياسى دوپينگپەن كۇرەسۋدە ءتۇرلى شارالار قابىلداپ جاتىر. فاينا مۇنداي زاڭسىزدىققا ءۇشىنشى رەت بارىپ وتىر. سوندىقتان حالىقارالىق اۋىر اتلەتيكا فەدەراتسياسى وسىنداي قاتال شارانى قولدانىپ وتىر»، - دەدى ق ر اۋىر اتلەتيكا فەدەراتسياسىنىڭ باس حاتشىسى ومار مۇستافين.
