تۇركيانىڭ ءبىرىنشى حانىمى گارەمدى «ءومىر مەكتەبى» دەپ اتادى

استانا. قازاقپارات - تۇركيا پرەزيدەنتىنىڭ زايىبى ەمينە ەردوعان «ءبىزدىڭ تاريحىمىزدا ءىز قالدىرعان سۇلتانداردىڭ اناسى» دەپ اتالاتىن كونفەرەنسيادا وسمان يمپەرياسى كەزىندەگى سۇلتاندار گارەمدەرىنىڭ ءرولىن سۋرەتتەپ بەردى.

بۇل تۋرالى ر ي ا «نوۆوستي» دەرەگىنە سۇيەنگەن ras.kz حابارلادى.

ەردوعان حانىمنىڭ پىكىرىنشە، گارەمدەر ءومىردىڭ وزىندىك مەكتەبى بولىپ، ونداعىلارعا ءبىلىم بەرگەن.

«ءبىز ونەر تۋىندىلارىمەن تانىسقان كەزىمىزدە ولاردا كوبىنە-كوپ بيلىك پەن وزدەرىنىڭ يگىلىكتەرىنە ۇمتىلعان ايەلدەردى كورەمىز. سول زامانداردا گارەم ايەلدەر ءۇشىن مەكتەپ بولا ءبىلدى»، - دەدى ول.

ەلدىڭ ءبىرىنشى حانىمى بۇعان گارەمدەردىڭ ايەلدەردى ومىرگە دايىنداپ، ءبىلىم الىپ بەرگىزگەن جانە قايىرىمدىلىقپەن شۇعىلداندىرعان وشاق بولعانىن قوستى.

«ولاردىڭ ءبارىن سۇلتاننىڭ اناسى باسقارعان»، - دەپ اتاپ كەتتى ەردوعان حانىم.

اگەنتتىك اتاپ وتكەندەي، تۇركيا پرەزيدەنتىنىڭ بۇل مالىمدەمەسى الەۋمەتتىك جەلىنى پايدالانۋشىلار اراسىندا كەڭ اۋقىمدى قارسىلىق تۋعىزعان. ولار ءبىرىنشى حانىمنىڭ سوزدەرىن تۇرپىدەي جيىرىلىپ قابىلداعان. سولاردىڭ اراسىندا ايەلدەردىڭ ۇلەس-سالماعى باسىم. ولار، اتاپ ايتقاندا، ەشقانداي كىتاپ قويىلماعان گارەمدەردە قانداي ءبىلىم الۋ تۋرالى ءسوز بولۋى مۇمكىن ەكەنىن تۇسىنە الماي، قايران قالادى.

قازىر الەم ساراپشىلارى تۇركيا پرەزيدەنتى رەدجەپ تايىپ ەردوعاندى وسمان يمپەرياسىنىڭ سىرتقى جانە ىشكى ساياساتتارىن جاڭعىرتۋدى ارماندايدى دەپ ايىپتاپ وتىر.