استانادا وتاندىق كيىمدەر دۇكەنى اشىلدى - فوتو

 استانا. قازاقپارات - استانادا قىرىقتان استام ديزاينەردىڭ ءونىمىن بىرىكتىرگەن وتاندىق كيىمدەر دۇكەنى اشىلدى.

 Fashion Park دۇكەنى «اتامەكەن» ۇلتتىق كاسىپكەرلەر پالاتاسىنىڭ قولداۋىمەن اشىلىپ وتىر.

 اتالعان ساۋدا نۇكتەسىن قۇرۋدىڭ باستى ماقساتى - وتاندىق ءونىم شىعارۋشىلاردى قولداۋ جانە قازاقستاندىق تاۋارلاردىڭ نارىقتاعى ۇلەسىن ارتتىرۋ.

 Fashion Park - زاماناۋي جابدىقتاردا تىگىلگەن جوعارى ساپالى قازاقستاندىق كيىم مەن اكسەسسۋارلاردىڭ كەڭ كولەمىن ۇسىناتىن مۋلتي برەندتىك دۇكەن. دۇكەن اۋماعى بويىنشا استانادا ەڭ ۇلكەن ساۋدا ورنىنا بولماق. ونىڭ جالپى اۋماعى 400 شارشى مەتردى قۇرايدى. تاۋارلاردىڭ باعا ساياساتى دا يكەمدى، بۇل جەردە قالىڭ بۇقاراعا ارنالعان كيىمدەردەن باستاپ، ەكسكليۋزيۆتى قىمبات كيىمدەر دە ساتىلادى.

 « Fashion Park» دۇكەنى وتاندىق تاۋار وندىرۋشىلەرگە ونلاين- ساتىلىم جاساۋعا دا ۇلكەن مۇمكىندىكتەر اشىپ وتىر. « fashionpark.kz» سايتىندا بارلىق كيىمدەر ينتەرنەت ارقىلى ساتىلىمعا شىعارىلادى.

 دۇكەننىڭ اشىلۋ قۇرمەتىنە وراي، قۇرالاي ءنۇرقادىلوۆا شەبەرلىك سىنىبىن وتكىزەدى دەپ جوسپارلانعان. سونىمەن قاتار ديزاينەر ديلبار اشىمبايەۆا كوللەكسيالارىنىڭ كورسەتىلىمى وتەدى.

«ءبىزدىڭ كوماندا تاۋلىك بويى قىزمەت ەتتى. مۇندا وتە قىزىقتى جوبالار ۇسىنىلدى. جاقسى يدەيا. بۇل استانا ءۇشىن ارزان باعامەن ۇسىنىلعان ەكسكليۋزيۆتى كيىمدەر. سوندىقتانن بارلىقتارىڭىزدى دۇكەننىڭ اشىلۋىمەن قۇتتىقتايمىن»، - دەدى ق. ءنۇرقادىلوۆا.