بۇكىل الەمدىك دوپينگكە قارسى اگەنتتىك ايگىلى سپورتشىعا قاتاڭ جازا قولدانباق

استانا. قازاقپارات - بۇكىل الەمدىك دوپينگكە قارسى اگەنتتىك (WADA) تەننيسشى ماريا شاراپوۆاعا قاتاڭ جازا قولداناتىنىن ءمالىم ەتتى، دەپ جازادى Lenta.ru The Times-كە سىلتەمەمەن.

لوندوندا وتكەن دوپينگكە قارسى كونفەرەنتسيا بارىسىندا ۇيىم باسشىسى كرەيگ ريدي اگەنتتىك شاراپوۆانىڭ ءىسىن «وتە مۇقيات» تەكسەرەتىنىن، ەگەر تەكسەرۋ بارىسىندا قابىلدانعان جازالاۋ شارالارى تىم جەڭىل بولاتىن بولسا، سپورتتىق اربيتراجدىق سوتقا (CAS) جۇگىنۋ قۇقىعىن پايدالاناتىنىن ءمالىم ەتتى.

7- ناۋرىز كۇنى شاراپوۆا لوس-اندجەلەستەگى كونفەرەنتسيا بارىسىندا 10 جىل بويى وتباسىلىق دارىگەرى تاعايىنداعان ميلدرونات ءدارىسىن پايدالانىپ كەلە جاتقانىن، ال 2016-جىلدىڭ باسىنان باستاپ بۇل ءدارى تىيىم سالىنعان ءدارى-دارمەكتەردىڭ قاتارىنا ەنگەنىن، ءوزىنىڭ بۇدان بەيحابار بولعانىن مالىمدەگەن ەدى. وسىنىڭ سالدارىنان اۆستراليادا وتكەن «ۇلكەن دۋلىعا» تۋرنيرى كەزىندە الىنعان ونىڭ قان تالداۋى كەرى كورسەتكىش كورسەتكەن.