07:32, 11 - ناۋرىز 2016 | GMT +5
ايگىلى سۋرەتشى ۆان گوگتىڭ ءومىرى جايلى مۋلتفيلم ءتۇسىرىلدى
استانا. قازاقپارات - ايگىلى سۋرەتشى ۆان گوگتىڭ ءومىرى جايلى مۋلتفيلم ءتۇسىرىلدى، دەپ حابارلايدى 24.kz.
نيدەرلاند كينەماتوگرافيستەر توبىنىڭ قاتىسۋىمەن پولياكتار جاساعان انيماتسيالىق تۋىندى «ماحابباتپەن ۆينسەنتكە» دەپ اتالادى.
فيلمدە نيدەرلاندتىق سۋرەتشىنىڭ ءومىرى مەن جۇمباق ءولىمى بەينەلەنگەن. نەبارى ەكى اپتانىڭ ىشىندە ونى 10 ميلليوننان استام ادام كورىپ ۇلگەردى. تۋىندىنىڭ ەرەكشەلىگى سول، ول تولىقتاي كەنەپ ماتاعا سالىنعان سۋرەتتەردەن جاسالعان.
اۆتورلار مۇنداي ويدى ۆان گوگتىڭ «ءبىز ءوز سۋرەتتەرىمىز ارقىلى عانا سويلەي الامىز» دەگەن سوزىنەن العان.
