قازاقستانعا كەلەتىن رەسەيلىك تۋريستەردىڭ سانى ارتپاق
ەگەر 2014 -جىلى 17 ميلليون ازامات وزگە ەلگە شىقسا، 2015 -جىلى بۇل كورسەتكىش 12 ميلليونعا كەمىگەن. وعان بىرنەشە سەبەپ بار. رۋبلدىڭ قۇنسىزدانۋى، سونداي-اق ۇكىمەتتىڭ تۇركيا مەن ەگيپەتكە بارۋعا رەسمي تىيىم سالۋى تۋريستەردىڭ قولىن ءجىپسىز بايلادى. ەسەسىنە ىشكى تۋريزم مەن ت م د ەلدەرىنە قىزىعۋشىلىق ارتقان. بيلەت برونداۋمەن اينالىساتىن كومپانيانىڭ مالىمەتى بويىنشا، دەمالىسىن گرۋزيا مەن ارمەنيادا وتكىزەتىندەر سانى ەسەلەپ كوبەيگەن. ال ماۋسىم سوڭىنا قاراي رەسەيلىكتەر مولدوۆا مەن قازاقستانعا بارۋدى ءجون سانايدى ەكەن.
EXPO- 2017 حالىقارالىق كورمەسىن ۇيىمداستىرۋشىلار ەلىمىزگە ەكى ميلليون تۋريست كەلەدى دەپ جوسپارلاپ وتىر. ولاردىڭ باسىم بولىگى كورشىلەس رەسەيدەن بولاتىنىنا سەنىمدى.
نيكولاي كوروليەۆ، روستۋريزم باسشىسىنىڭ ورىنباسارى:
- دەمالىسىن ت م د ەلدەرىندە وتكىزەتىندەر سانى جاقىن ۋاقىتتا ارتا بەرمەك. قازىر نەگىزگى تۋريستىك باعىتتار جابىق بولعاندىقتان، كورشىلەس ەلدەر رەسەيلىك ازاماتتاردى ءوز ەلىنە تارتۋعا تىرىسۋدا. وسى رەتتە ءازىربايجان مەن قازاقستانعا ساياحاتتايتىندار سانى ءسوزسىز ارتادى.
www.24.kz
