ءانشى تورەعالي ءتورالىنى «وردالىقتار» ءاجۋالاپ جاتىر
«جەكپە- جەك كەرەك بولاتىن بولسا، وندا باسقاشا بولسىن» دەگەن سوزدەرىنەن كەيىن «وردا» توبىمەن اراداعى كەلىسپەۋشىلىكتەردىڭ نۇكتەسى قويىلعانداي بولاتىن. الايدا ەربولات بەدەلحان ءالى دە ارىپتەسىن سىناپ ءجۇر. بۇل تۋرالى Stan.kz حابارلايدى.
"وردا" توبىنىڭ سوليستەرى مەن تورەعالي ءتورالىنىڭ اراسىنداعى داۋدىڭ نۇكتەسى قويىلار ەمەس. داستان ورازبەكوۆ "تورەعالي سياقتى جىگىتتەر تىڭدارماندى الداعانىن قويسىن. مەن ولاردى سىيلايمىن، ارالاسامىن، ءبىراق ونەرگە كەلگەندە حالىقتى الداعانىن قالامايمىن"، - دەپ حيت اندەرىنىڭ كوبىسى شەتەلدىكى ەكەنىن تىلگە تيەك ەتكەن بولاتىن.
بۇل سىندى ەستىگەن تورەعالي «ول ايناعا قاراپ ايتاتىن اڭگىمەسىن اينالاعا قاراپ ايتىپ قالعان بايقاماي» دەپ بىردەن اشۋلانىپ، ارتىنشا وزگە ەلدەن العان اندەرىن جىپكە ءتىزدى. ول - «بايقوڭىر» مەن «تورەشىم» ەكەن. ءبىراق ءانشى بۇلاردى حالىقتى الداۋ ماقساتىندا ەمەس، بۇلاي تاڭداۋ جاساۋىندا استارلى ساياسات بار ەكەنىن ايتقان- دى. بۇدان وزگە "Ninety one" توبىن اعالارى رينات زايىتوۆ پەن توقتار سەرىكوۆكە قوسىلىپ، "شايتانعا" تەڭەگەن.
بۇل جولى "وردا" توبىنىڭ تاعى ءبىر مۇشەسى ەربولات بەدەلحان الەۋمەتتىك جەلىدە تورەعاليدىڭ سىندارىنا قارسى پىكىر ءبىلدىرىپ، ونى ءاجۋالايتىن سۋرەتتەر سالىپ جاتىر.
قازاق جىگىتتەرىنىڭ بۇل تارتىسى قانشا ۋاقىتقا سوزىلاتىنى ازىرگە بەلگىسىز. ال تورەعالي ايتقان سوزدەرى ءۇشىن كەشىرىم سۇرامايتىن سىڭايلى.
ەستەرىڭىزدە بولسا، وسى ۋاقىتقا دەيىن تورەعالي ءوزىنىڭ اندەرىن سىناعان داستان ورازبەكوۆتى جەكپە- جەككە شاقىرعانى تۋرالى جازعان بولاتىنبىز.
