14:30, 10 - ناۋرىز 2016 | GMT +5
ەلباسى اقتوبەدەگى فيزيكا-ماتەماتيكا مەكتەبىنىڭ وقۋشىلارىمەن جۇزدەستى
استانا. قازاقپارات - مەملەكەت باسشىسى نۇرسۇلتان نازاربايەۆ اقتوبە وڭىرىنە جۇمىس ساپارى بارىسىندا وبلىس ورتالىعىنداعى فيزيكا-ماتەماتيكا باعىتىنداعى زياتكەرلىك مەكتەپكە باردى، دەپ حابارلايدى اقوردانىڭ باسپا ءسوز قىزمەتى.
ەلباسى مەكتەپتىڭ وقۋ سىنىپتارىن، سپورت زالىن، شىعارماشىلىق جانە عىلىمي-زەرتتەۋ جۇمىستارى كورمەسىن ارالاپ كوردى.
نۇرسۇلتان نازاربايەۆ وقۋشىلارمەن اڭگىمەلەسىپ، ولارعا تابىس تىلەدى جانە وقۋدا ۇزدىك ناتيجەگە جەتۋلەرىنە نيەتتەستىگىن ءبىلدىردى.
مەكتەپتە 202 پەداگوگ مامان، سونىڭ ىشىندە 125 مۇعالىم، 16 سىنىپ جەتەكشىسى، 8 تاربيەشى جانە 17 شەتەلدىك قىزمەتكەر وقۋ-تاربيە جۇمىستارىن جۇرگىزەدى.
