13:41, 10 - ناۋرىز 2016 | GMT +5
وتە قىمبات كولىككە مىنگىزىپ، قارۋلانعان ازاماتتارمەن الىپ كەلگەن وزبەك بوكسشىسى اتاعىنان ايىرىلىپ قالدى
استانا. قازاقپارات - اۆستراليالىق بوكسشى لۋكاس براۋن وسى ەلدىڭ اۋىر سالماقتا الەم چەمپيونى تيتۋلىن جەڭىپ العان ءبىرىنشى وكىلى بولدى.
ول 10-راۋندتا قارسىلاسى وزبەك بوكسشىسى رۋسلان چاگايەۆتى تەحنيكالىق نوكاۋتپەن جەڭدى.
بۇل تۋرالى ورتالىق ازيانىڭ جاڭالىقتار قىزمەتى حابارلايدى.
جەكپە-جەك شەشەنستان استاناسى گروزنىي قالاسىندا ءوتتى. شەشەنستان باسشىسى رامزان قادىروۆ بۇرىننان بەرى چاگايەۆتىڭ جانكۇيەرى بولىپ تابىلادى. وزبەك سپورتشىسى وتە قىمبات كولىكپەن كەلىپ، ونى قارۋلانعان شەشەن ازاماتتارى قورشاپ جۇرگەن.
چاگايەۆ 2014-جىلى WBA تيتۋلىن جەڭىپ العان. ول وسىعان دەيىن 2009-جىلى ۋكرايندىق ۆلاديمير كليچكودان جانە 2011-جىلى الەكساندر پوۆەتكيننەن جەڭىلىپ قالعان.
