09:56, 10 - ناۋرىز 2016 | GMT +5
سولتۇستىك كورەيا تەڭىزگە قاراي ەكى بالليستيكالىق زىمىران اتتى
استانا. قازاقپارات - سولتۇستىك كورەيالىق بيلىك تەڭىزگە ەكى بالليستيكالىق زىمىراندى اتتى، دەپ حابارلادى Gazeta.ru.
وڭتۇستىك كورەيانىڭ اسكەريلەرىنە سىلتەمە جاساعان «رەنحاپتىڭ» دەرەكتەرىنشە، راكەتالار حۆانحە پروۆينتسياسىنان شىعىس-قىتاي تەڭىزىنە ۇشىرىلدى.
دەرەك كوزىنىڭ اقپاراتىنشا، زىمىران شامامەن 500 كيلومەتر قاشىقتىققا ۇشقان.
وسىعان دەيىن سولتۇستىك كورەيا شاعىن يادرولىق قارۋ جاساعانى تۋرالى حابارلانعان بولاتىن.
پحەنياننىڭ الەمدىك قوعامداستىقپەن قاتىناسىنىڭ ناشارلاۋىنا ونىڭ قاڭتار ايىندا يادرولىق سىناق جاساعانى جانە اقپان ايىندا راكەتانى ۇشىرعانى سەبەپ بولدى. ناۋرىزدىڭ باسىندا ب ۇ ۇ قاۋىپسىزدىك كەڭەسى ك ح د ر- عا قارسى جاڭا سانكسيالاردى ماقۇلدادى.
