09:09, 10 - ناۋرىز 2016 | GMT +5
عالىمدار تيگەن جەرىن سەزەتىن جاساندى ساۋساق جاساپ شىقتى
استانا. قازاقپارات - نەيروينجەنەرلەر قىسىمدى عانا ەمەس، ءارى ۇستاعان نارسەنىڭ سىرتىن دا سەزەتىن بيونيكالىق ساۋساق جاساپ شىقتى.
قۇرىلعى كەسىلگەن ساۋساقتىڭ ورنىنداعى ادامنىڭ جۇيكە تالشىقتارىنا جالعايدى. عالىمدار ونى ينەلەرمەن ءبۇتىن ساۋساققا دا قوسا الادى.
جاساندى ساۋساقتى سىناۋعا 11 جىل بۇرىن قولىندا فەيەرۆەرك جارىلىپ ساۋساعىنان ايىرىلعان ادام شاقىرىلدى. ونىڭ ساۋساعىنىڭ ورنىنداعى جۇيكە تالشىقتارىنا مەديتسينا قىزمەتكەرلەرى سىمدار جانە سەنسورلار جالعاۋ ارقىلى بيونيكالىق ساۋساقتى قوستى.
سىناق كەزىندە جاساندى ساۋساقپەن ءتۇرلى زاتتى باسىپ، ۇستاپ كوردى. الىنعان بەلگى كومپيۋتەرمەن وڭدەلدى ءارى سىناۋشىعا جىبەرىلدى، ول بولسا نەنى سەزگەنىن ايتىپ بەرىپ وتىرعان.
96 پايىز جاعدايدا ول تەگىس زاتپەن ءۇستى بۇدىر زاتتى ايىرا الدى. «نارسەنى ءوز ساۋساعىمەن سەزگەندەي كۇيدە بولاسىڭ»، - دەدى ول.
