تەلەمۇناراعا ساقتاندىرۋسىز ورمەلەگەن جىگىت - بەينە
ماڭگىلىك ەل پويىزى ماڭعىستاۋعا جەتتى
ماڭعىستاۋ وبلىسى. قازاقپارات - قازاقستان رەسپۋبليكاسى تاۋەلسىزدىگىنىڭ 25 جىلدىعى اياسىندا جولعا شىققان پويىز 6 - ناۋرىز كۇنى ماڭعىستاۋ وبلىسى، مۇنايلى اۋدانى، ماڭعىشلاق ستانسياسىندا بولدى. مۇنايلى ءوڭىر تۇرعىندارى پويىز جولاۋشىلارىا شۇبات ۇسىنىپ، ءسان- سالتاناتىمەن كۇتىپ الدى.
ماڭعىشلاق ستانتسياسىندا جينالعان تۇرعىندارعا پويىز مۇشەلەرى شارانىڭ ماڭىزىن ءتۇسىندىردى، دەپ حابارلايدى وبلىستىق اكىمدىك سايتىنان. ماڭعىستاۋ وبلىسى اكىمى ورىنباسارى ب. نۇرعازيەۆا ميتينگ بارىسىندا پويىز مۇشەلەرىنىڭ يگى ىسىنە ساتتىلىك تىلەدى.
«حالىق اراسىندا بولىپ، الەۋمەتتىك ماسەلەلەردى شەشۋگە اتسالىسىپ جاتقاندارىڭىز ءۇشىن سىزدەرگە راحمەت. ەلدىڭ وتكەنىن زەردەلەپ، بۇگىنىن بەكەمدەۋدە سىزدەرگە تابىس تىلەيمىن. ماڭعىستاۋ وبلىسىندا بولعان ەكى كۇن ىشىندە سىزدەر كيەلى مەكەننىڭ تەك ادامدارىمەن عانا تانىسپاي، سونىمەن قاتار، تاريحي جەرلەرىن دە كورەسىزدەر. قارت كاسپييدىڭ جاعاسىنا ۇمسىنعان ارۋ قالا اقتاۋدى كورەسىزدەر. بەرەكەلى ماڭعىستاۋ جەرىندە بۇگىندە 50-دەن اسا ەتنوس تۇرادى. 21 ەتنومادەني بىرلەستىگىمىز بار. ولاردىڭ بارلىعى قازاقستاننىڭ تۇراقتىلىعى جولىندا ايانباي ەڭبەك ەتۋدە»، - دەدى ب. نۇرعازييەۆا.
«ماڭگىلىك ەل» پويىزىنىڭ قۇرامىندا مينيسترلىكتەر مەن ۆەدومستۆولاردىڭ، بارلىعى 100-دەن استام ءتۇرلى سالانىڭ ماماندارى بار. ولار مۇنايلى اۋدانى مەن اقتاۋ قالاسىندا قۇقىق، اۋىل شارۋاشىلىعى، دەنساۋلىق ساقتاۋ، ءبىلىم بەرۋ، كاسىپكەرلىك، الەۋمەتتىك جانە باسقا سالالار بويىنشا اقىل- كەڭەستەرىن بەردى. مەديتسينا سالاسىنىڭ بىلىكتى ماماندارى ەمحانالاردا ءبىر كۇن ىشىندە 300-دەن استام ادامدى قابىلداپ، قاجەتتى ەم- دومىن جاسادى.
سونىمەن قاتار، پويىز مۇشەلەرى قازاقستان حالقى اسسامبلەياسىنىڭ عيماراتىن ارالاپ، ءتۇرلى ۇلتتىڭ قۇندى جادىگەرلەرى قويىلعان مۇراجايمەن تانىسىپ، ەتنومادەني بىرلەستىك توراعالارىمەن، ق ح ا ماڭعىستاۋ وبلىستىق حاتشىلىعى باسشىلىعىمەن، ماڭعىستاۋ وبلىسى اكىمى اپپاراتىنىڭ «قوعامدىق كەلىسىم» كوممۋنالدىق مەملەكەتتىك مەكەمەسىنىڭ باسشىلىعىمەن جانە اقتاۋ قالالىق ءماسليحاتىنىڭ حاتشىلىعى باسشىلىعىمەن كەزدەستى. جيىن بارىسىندا «ماڭگىلىك ەل» پويىزى شتابىنىڭ باسشىسى، ق ح ا مۇشەسى ءامىرجان الپەيىسوۆ ءسوز الىپ، شارانىڭ ماڭىزىن ءتۇسىندىردى.
«تاۋەلسىزدىكتىڭ 25 -جىلدىعىنا وراي ەلباسى تاپسىرماسىنا سايكەس ۇيىمداستىرىلعان پويىزدىڭ ماقساتى - شالعايدا جاتقان ەلدى- مەكەندەردە بولىپ، حالىقپەن ارالاسىپ، ەلباسىنىڭ «ماڭگىلىك ەل» يدەياسىن تۇرعىندارعا جەتكىزۋ. ءبىز ۇلى مەملەكەتتەردىڭ قاتارىنا تۇرۋىمىز كەرەك. ول ءۇشىن بۇگىن ءسىز بەن ءبىز تىنباي ەڭبەك ەتۋىمىز كەرەك. ەلباسىنىڭ ساياساتى بىرلىككە نەگىزدەلگەن. قازىرگى تاڭدا جاھاندا ءتۇرلى قيىندىقتار بولىپ جاتسا دا، ءبىزدىڭ ەلىمىز امان. بيىل قر تاۋەلسىزدىگىنە 25 -جىل. ءبىز وسى 25 -جىل ىشىندە بيىك بەلەستەردى باعىندىردىق. ەندىگى ماقساتىمىز الەمنىڭ دامىعان 30 مەملەكەتىنە كىرۋ. سول ءۇشىن ءبىز ءاردايىم اۋىزبىرشىلىكتە، تاتۋلىقتا بولۋىمىز كەرەك»، - دەدى ول.
