قازاقستان حالقى بىرلىكتىڭ ارقاسىندا بارلىق قيىندىقتى ەڭسەرەدى - ەلباسى
ەلباسىنىڭ اتاپ وتكەنىندەي، قازىرگى كەزدە الەمدە قيىن جاعداي ورىن الىپ وتىر. ءتىپتى كەيبىر ەلدەردە قاقتىعىستارعا جول بەرىلىپ، قان توگىلۋدە. دۇنيەجۇزىلىك داعدارىس تا بۇيىردەن قىسۋدا. وسىنداي كۇردەلى كەزەڭنەن قازاقستان حالقى تەك ۇيىمداسا ءىس قىلۋدىڭ، ەكونوميكانى دامىتىپ، العا باستىرۋدىڭ، وزىق ءبىلىم-عىلىمدى مەڭگەرۋدىڭ ارقاسىندا امان وتە الادى. قازىر - يننوۆاتسيا مەن جاڭا تەحنولوگيانىڭ زامانى. سوندىقتان جەتكىنشەك ۇرپاقتى مەكتەپ پارتاسىنان جاڭاشىلدىق نەگىزدەرىنە وقىتۋ كەرەك.
مەملەكەت باسشىسى ءۇش ءتىلدى مەڭگەرۋدىڭ ارتىقشىلىقتارىن ەسكە سالدى. مەملەكەتتىك ءتىلدىڭ ماڭىزى ءوز الدىنا، سونىمەن قاتار عىلىمنىڭ، وزىق تەحنولوگيانىڭ ءتىلى بولىپ ەسەپتەلەتىن، الەمنىڭ كوپتەگەن حالىقتارى سويلەيتىن اعىلشىن، وعان قوسا قارىم-قاتىناسىمىز بىتە-قايناسىپ كەتكەن كورشى ەلدىڭ ءتىلىن بىلگەن ادامنىڭ موينى وزىق بولادى.
كەزدەسۋدە م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ دوتسەنتى، تاريح عىلىمدارىنىڭ كانديداتى جاڭابەك جاقسىعاليەۆ قازاقستان تاۋەلسىزدىك العاننان بەرى ەلباسى ساياساتى ارقاسىندا عىلىمنىڭ دا قارىشتاپ دامىعانىن، بۇدان جيىرما جىل بۇرىنعى احۋالمەن سالىستىرعاندا، قازىرگى ءىلىم-ءبىلىمنىڭ دەڭگەيى جەر مەن كوكتەي ەكەندىگىن اتاپ ءوتتى. سونداي-اق ا. وستروۆسكي اتىنداعى وبلىستىق ورىس دراما تەاترىنىڭ باس رەجيسسەرى وكسانا مالۋشا، وبلىستىق قازاق دراما تەاترىنىڭ ديرەكتورى قۋانىش اماندىقوۆ، «قازاقستان» ر ت ر ك» ا ق ب ق و فيليالىنىڭ رەداكتورى نينا پاۆلىچيەۆا ءوز سالالارىنداعى تابىس-جەتىستىكتەرىن بايانداپ، ەلباسىنىڭ كوپ ۇلتتى قازاقستان حالقىنىڭ بىرلىگىن نىعايتۋ باعىتىنداعى سارابدال ساياساتىن تولىق قولدايتىندىقتارىن جەتكىزدى.
ەسكە سالا كەتەيىك، قادىر اتىنداعى ورتالىق وتكەن جىلدىڭ مامىر ايىندا پايدالانۋعا بەرىلگەن بولاتىن. جوبا قۇنى 825 ميلليون تەڭگە بولسا، عيماراتتىڭ جالپى اۋماعى - 3941,3 شارشى مەتر.
اۆتور: ەلجان ەرالى
