ەلباسى «بولاشاق- ت» ج ش س- نىڭ ءۇي قۇرىلىسى كومبيناتىمەن تانىستى

 ورال. قازاقپارات - ەلباسى نۇرسۇلتان نازاربايەۆ ب ق و- عا جۇمىس ساپارى بارىسىندا ورال قالاسىنداعى «بولاشاق- ت» ج ش س- نىڭ ءۇي قۇرىلىسى كومبيناتىندا بولدى.

«بولاشاق- ت» ج ش س جۇمىسشىلارىمەن بەيرەسمي اڭگىمەلەسكەن ەلباسى بۇدان سوڭ جىلىنا 50 مىڭ شارشى مەتر تۇرعىن ءۇي قۇرىلىسى ءۇشىن قۇراستىرمالى جۇيە جانە تەمىربەتون بۇيىمدارىن شىعاراتىن كاسىپورىن جۇمىسىمەن تانىستى.

كەزدەسۋ بارىسىندا قۇرىلىسشىلار اتىنان ءسوز العان «وتدەلستروي» قۇرىلىس- كوممەرتسيالىق فيرماسى» ج ش س ديرەكتورى ۆالەنتينا ميحنو قازاقستاندا بيزنەستىڭ دامۋى ءۇشىن بارلىق جاعدايدىڭ جاسالعانىن، ەندىگى مىندەت كاسىپكەرلەردىڭ ءوز ءىسىن ءارى قاراي دامىتا بىلۋلەرىندە ەكەندىگىن جەتكىزدى.

«بۇگىندە ءبىز، ورال ءوڭىرىنىڭ قۇرىلىسشىلارى «نۇرلى جول» مەملەكەتتىك باعدارلاماسى اياسىندا جەمىستى ەڭبەك ەتۋدەمىز. جول جانە تۇرعىن ۇيلەر سالىپ، كورىكتى قالامىزدىڭ ينفراقۇرىلىمىن دامىتۋدامىز. مەن ءوز جۇمىسىمدا وتاندىق تاۋار وندىرۋشىلەردىڭ ونىمدەرىن قولداپ، بارىنشا جەرگىلىكتى قۇرىلىس ماتەريالدارىن پايدالانامىن. قىرىق جىلداي ۋاقىتتان بەرى ءبىزدىڭ كاسىپورىن 100 مىڭداعان شارشى مەتر باسپانا، ونشاقتى مەكتەپ، بالاباقشا، اۋرۋحانالار تۇرعىزىپ، ەل يگىلىگىنە بەردى»، دەدى ۆ. ميحنو.

ايتا كەتەيىك، «بولاشاق- ت» ج ش س رەسپۋبليكادا العاشقى بولىپ ءۇي قۇرىلىسى كومبيناتىن سالدى. بۇل جوبانىڭ قۇنى 2,5 ميلليارد تەڭگەنى قۇراسا، سونىڭ 500 ميلليون تەڭگەسى - كاسىپورىننىڭ ءوز قاراجاتى.

پرەزيدەنتتىڭ ب ق و- عا جۇمىس ساپارى جالعاسۋدا.

اۆتور: ەلجان ەرالى