مەملەكەت باسشىسى باتىس قازاقستان وبلىسىنا جۇمىس ساپارمەن كەلدى

ورال. قازاقپارات - مەملەكەت باسشىسى نۇرسۇلتان نازاربايەۆ جۇمىس ساپارىمەن باتىس قازاقستان وبلىسىنا كەلدى.

وبلىس اكىمىنىڭ باسپا ءسوز قىزمەتىنەن تۇسكەن مالىمەتكە قاراعاندا، ەلباسى الدىمەن «بولاشاق- ت» ج ش س- نىڭ ءۇي قۇرىلىسى كومبيناتىنا ات باسىن بۇرماق.

 ورالدا 2014 - جىلى «بولاشاق- ت» ج ش س (قۋاتى - جىلىنا 50 مىڭ شارشى مەتر تەمىربەتون بۇيىمدارى) مەن « СВ پليۋس» ج ش س- نىڭ (40 مىڭ شارشى مەتر) ەكى ءۇي قۇرىلىسى كومبيناتى پايدالانۋعا بەرىلگەن ەدى. سول جىلى «بولاشاق- ت» ج ش س- نىڭ ءۇي قۇرىلىسى كومبيناتى «قولجەتىمدى باسپانا - 2020» باعدارلاماسى اياسىندا كەزەكتە تۇرعاندار ءۇشىن توعىز قاباتتى، 180 پاتەرلىك تۇرعىن ءۇي قۇرىلىسىن باستاعان ەدى. ونى كومپانيا وتكەن جىلدىڭ جەلتوقسانىندا سالىپ ءبىتىردى. بۇل - ەلىمىزدە تۇرعىن ءۇي يندۋسترياسىن دامىتۋ باعىتىندا بوي كوتەرگەن العاشقى ءۇي.

سودان كەيىن ەلباسى قادىر مىرزا ءالي اتىنداعى مادەنيەت جانە ونەر ورتالىعىندا بولىپ، اق جايىق ءوڭىرىنىڭ شىعارماشىلىق ورتا جانە زيالى قاۋىم وكىلدەرىمەن كەزدەسپەك.

قازاقستان حالىق جازۋشىسى، مەملەكەتتىك سىيلىقتىڭ لاۋرەاتى قادىر اتىنداعى ورتالىق وتكەن جىلى اقىننىڭ 80 جىلدىعىنا وراي اشىلعان بولاتىن. مۇندا اقىننىڭ مۋزەيى مەن كىتاپحاناسىنا قوسا سونداي- اق قازاقستان جازۋشىلار، كومپوزيتورلار جانە سۋرەتشىلەر وداقتارىنىڭ فيليالدارى جۇمىس جاسايدى. مۇندا سوڭعى كەزدە اقىن- جازۋشىلاردىڭ ادەبي- مۋزىكالىق كەشتەرى، باسقا دا شارالار كوپتەپ ۇيىمداستىرىلۋدا.

 تۇستەن كەيىن ەلباسى ورال قالاسىنداعى تەننيس ورتالىعىندا وتەتىن ەل تاۋەلسىزدىگىنىڭ 25 جىلدىعىنا ارنالعان «ورتاق تاعدىر - نۇرلى جول» اتتى قازاقستان حالقى اسسامبلەياسىنىڭ رەسپۋبليكالىق فورۋمىنا قاتىسادى دەپ جوسپارلانۋدا.

اۆتور: ەلجان ەرالى