ءبىرىن ءبىرى اياپ، ۇرا الماعان قازاق بوكسشىلارى ويىننان شىعارىلدى

استانا. قازاقپارات -  بۇنداي دا بولادى ەكەن، ەكى قازاق جەكپە- جەكتە ءبىرىن- ءبىرى اياپ، توبەلەسە المادى.

 قىتايدا وتكەن ەرەجەسىز توبەلەستە ەكى قازاق - قازاقستاننان بارعان ايبەك پەن قىتايلىق قازاق عابيت ءبىر- ءبىرىن ۇرۋعا قولدارى باتپاي، اقىرى تورەشىلەر قىزىل قاعازبەن ەكەۋىن دە الاڭنان شىعارىپ جىبەردى.

ەكى باۋىر ءبىر- بىرىنە ءبىر رەت تە جۇدىرىق جۇمساعان جوق. وتىرىك الىسىپ، كەزەك جىعىلىپ، جۇلقىلاسىپ ءجۇرىپ الدى.

ۇزىلىستە عابيتتىڭ جاتتىقتىرۋشىلارى «اياماي وينا، جارىستىڭ اتى جارىس» دەپ جاتقانىن ەستىدىك. ءبىراق، ەكەۋى سوندا دا ءبىر- ءبىرىن ۇرىپ- سوققان جوق. ءيا، بۇنىسى جارىس ەرەجەسىنە ساي ەمەس شىعار، ءبىراق ءبىر- بىرىنە قانداسىم دەپ ەلجىرەگەن باتىر جۇرەكتەرىنە قالاي سۇيىنبەيسىڭ. قازاقتى قازاق وسىلاي اياپ، قۇرمەتتەيتىن، جاقسى كورەتىن بولسا بىزگە ەڭ ۇلكەن اتاق- ابىروي، داڭق- مارتەبە سول ەمەس پە!

باتىر جۇرەكتەرى باۋىرلارىنا دەگەن مەيىرىمگە باي باھادۇرلەرىمىز كوپ بولسىن!

ءبىرى قانداسىم دەسە، ءبىرى اتا جۇرتتىڭ توپىراعىنا تابانى تيگەن باۋىرىنا دەگەن قۇرمەتى! ەركىسىز جۇرەك ەلجىرەتەر ءسات! ويىن ەرەجەسىن بۇزسا دا قازاق ۇلتى ءبىر- بىرىنە قاراداي جۇدىرىق جۇمسامايتىنىنڭ كۋاسى. وسىدان- اق قازاق ۇلتىنىڭ قانشالىقتى باۋىرمال، قانشالىقتى تەكتى ەكەنىن تانۋعا بولادى.

مۇرات الماسبەك ۇلى

qazaquni.kz