ۇلكەن كاسىپتى تىزگىندەگەن ستۋدەنت قىز
دەپ حابارلايدى 24.kz
الايدا ول مۇنىمەن توقتاپ قالماق ەمەس. راحيما عازيزوۆا - الماتىداعى ۇلتتىق ۋنيۆەرسيتەتتىڭ فيلولوگيا فاكۋلتەتىنىڭ ستۋدەنتى. بۇگىندە 4 حالىقتىڭ ءتىلىن ەركىن مەڭگەرگەن ءبىلىمدى بويجەتكەن ءوزى قۇراستىرعان ءادىس بويىنشا اعىلشىن ءتىلىن وزگەلەرگە ۇيرەتۋدە. ول ازداي، استانا تۇرعىندارى ءۇشىن تازا وتاندىق ونىمدەردى ساۋدالايتىن «حالىق ماركاسى» اتتى العاشقى دۇكەندەر جەلىسىن اشىپ وتىر.
ەڭ جاس كاسىپكەر اشقان «حالىق ماركاسى» دۇكەنىندە قازىردە قازاقستاندا جاسالعان 500-گە جۋىق تاۋاردىڭ ءتۇرى بار. بيزنەستە ايتارلىقتاي تاجىريبەلى بولماسا دا، راحيما بۇل سۇبەلى ىسكە وزىندىك لەبىن الىپ كەلگەن سىڭايلى.
تاعى بىرنەشە شەت ءتىلىن مەڭگەرۋ مەن بيزنەستەگى ۇلكەن جوسپارلار ستۋدەنت راحيما ارمانىنىڭ ءالى شىڭى ەمەس. ول ەل ومىرىندەگى ەڭ ماڭىزدى وقيعالارعا اتسالىسىپ، وزىندىك قولتاڭباسىن قالدىرۋدى قالايدى.
- ەكسپو-2017 ۇلتتىق كومپانياسى Texspire اتتى ديزاين مەن توقىما ستۋدياسىنا ۇلتتىق پاۆيلوندى جوبالاۋعا تاپسىرىس بەردى. مەن سول جوبانىڭ مەنەدجەرى بولدىم. ونى اۋەنمەن ارلەپ، ІТ جاعىنان تولىقتىرىپ، بارىنشا كاسىبي تۇرعىدا ۇسىنۋ ءۇشىن ىزدەندىم. سوندىقتان ЕХРО- عا ۇلەسىمدى قوستىم دەپ ويلايمىن، - دەيدى راحيما عازيزوۆا.
زامان ۇسىنعان ۇلكەن مۇمكىندىكتەردى بارىنشا پايدالانىپ، سەسكەنبەي، ءىس جۇزىندە قولدانا ءبىلۋ تەك ءبىلىمدى، ماقساتى ايقىن جاستاردىڭ عانا قولىنان كەلەدى. راحيما دا سول الدىڭعى قاتارداعى وزىق ويلى ۇرپاقتىڭ وكىلى. جاقىندا لوندونداعى الەمنىڭ ەڭ ۇزدىك ۋنيۆەرسيتەتتەرىنىڭ ءبىرى ونى ءبىلىم الۋعا شاقىرىپتى.
