استانادا تەز تاماقتانۋعا ارنالعان «ماكدونالدس» مەيرامحاناسى اشىلدى
دەپ حابارلادى استانا قالاسى اكىمىنىڭ باسپا ءسوز قىزمەتى.
ەلوردا اكىمى ءبىرىنشى كەزەكتە نازىك جاندىلاردى حالىقارالىق ايەلدەر كۇنىمەن قۇتتىقتادى. ءا. جاقسىبەكوۆ كاسىپورىننىڭ اشىلۋى قالاعا جاڭا ينۆەستيتسيالار تارتىپ، جاڭا جۇمىس ورىندارىن قۇرعانىن اتاپ ءوتتى. استانادا تاعى دا ءبىر الەمگە ايگىلى برەندتىڭ اشىلۋى وڭىردەگى بيزنەس كليماتتىڭ قولايلى ەكەندىگىنىڭ بەلگىسى، بۇل حالىقارالىق ينۆەستورلار ءۇشىن جاقسى سيگنال بولماق.
سالتاناتتى شاراعا «ماكدونالدس» كورپوراتسياسىنىڭ پرەزيدەنتى جانە باسقارۋ ديرەكتورى ستيۆ يستەربرۋك تا قاتىستى. «ءبىز جەرگىلىكتى مادەنيەتتىڭ ءبىر بولشەگىنە اينالۋ جانە مەيرامحانا بيزنەسىن جۇرگىزۋدىڭ وزىق تاجىريبەسىن قازاقستانعا ۇيرەتۋ ءۇشىن قولىمىزدان كەلگەننىڭ ءبارىن جاسايمىز. بۇل ءبىزدىڭ برەندتىڭ حالىقارالىق دامۋىنداعى ماڭىزدى قادام بولماق»، - دەدى س. يستەربرۋك.
«ماكدونالدس» قازاقستاندىق فرانشيزاسىنىڭ يەسى ق. بورانبايەۆتىڭ ايتۋىنشا، مەيرامحانالار جەلىسى جەرگىلىكتى كادرلاردى دامىتۋ پەرسپەكتيۆاسىن بەرەدى، سونداي- اق، قالالىق بيۋدجەتكە تۇراقتى سالىق اۋدارىمدارىن جاسايدى. ايتا كەتەيىك، قازاقستاندا مەيرامحانالار جەلىسىن دامىتۋ كوزدەلگەن - الداعى بەس جىلدا 15-كە جۋىق مەيرامحانا اشىلماق.
مەيرامحانانىڭ جالپى اۋدانى 863 شارشى مەتر. ورىندار سانى - 206. كاسىپورىندا 200 استام جۇمىس ورنى قۇرىلدى. قازاقستاندىق مەيرامحانالارعا ونىمدەر ماقۇلدانعان جەتكىزۋشىلەردەن عانا الىنادى. بولاشاقتا ونى جەرگىلىكتى ازىق- تۇلىكتەردەن جاساۋ جوسپارلانعان. قازىرگى كەزدە جەرگىلىكتى وندىرۋشىلەردىڭ بازاسىن دامىتۋ جۇمىستارى جۇرگىزىلۋدە.
كەشە جەكە مەنشىكتى بالالار ءۇيىنىڭ تاربيەلەنۋشىلەرى مەيرامحانادا ءبىرىنشى بولىپ ءدام تاتتى.
