ماڭگىلىك ەل پويىزى اتىراۋعا كەلدى
قوناقتاردى قارسى الۋ راسىمىنەن كەيىن پويىز قۇرامىنداعى 100-گە جۋىق ماماندار مەن ساراپشىلار تۇرعىندارمەن كەزدەسىپ، ءتۇرلى ماسەلەلەر بويىنشا كەڭەس بەردى. «ءبىر ەل- ءبىر تاعدىر» ۇرانىمەن قادام باسقان مەملەكەتتىك الەۋمەتتىك سالا ماماندارى، زاڭگەرلەر، مەملەكەتتىك ورگاندار مەن مەكەمەلەردىڭ وكىلدەرى ءوز قۇزىرەتى شەڭبەرىندە جالپى سانى 5 مىڭنان استام ادامعا مەملەكەتتىك قىزمەت كورسەتتى.
اتىراۋ وبلىستىق ح ق ك و فيليالىنىڭ ديرەكتورى تۇرلان نۇرجانوۆتىڭ ايتۋىنشا ورتالىققا قالا تۇرعىندارى جەر، تۇرعىن ءۇي ماسەلەلەرى، كامەلەتكە تولماعان بالالارعا اليمەنتتەر تاعايىنداۋ، سوت شەشىمدەرىنىڭ ورىندالماۋ ماسەلەلەرى سياقتى ءارتۇرلى سۇراقتارمەن كەلۋدە. سونداي- اق، كەلۋشىلەردىڭ تەڭ جارتىسى قاجەتتى ماسەلەسى بويىنشا تولىق كەڭەس الىپ، ريزاشىلىعىن ءبىلدىرىپ جاتسا، قالعان ازاماتتاردىڭ ماسەلەلەرىنىڭ شەشىمدەرى قاراستىرىلۋ ساتىسىندا - دەپ تۇرلان نۇرجانوۆ ءوز ءسوزىن تۇجىرىمدادى.
وڭىردە حالىققا قىزمەت كورسەتىپ جاتقان «ماڭگىلىك ەل» پويىزىنىڭ كەلەسى ايالداماسى شالقار ستانتسياسى بولماق، دەپ حابارلادى اتىراۋ وبلىستىق ح ق ك و فيليالىنان.
