كىسى ولىمىمەن اياقتالعان داۋ: مەسسي مىقتى ما، الدە كريشتيانۋ مىقتى ما؟

استانا. قازاقپارات - ««رەال» ساپىنداعى كريشتيانۋ رونالدۋ مىقتى ما، الدە «بارسەلونا» شابۋىلشىسى ليونەل مەسسي مىقتى فۋتبولشى ما؟» دەگەن تارتىستىڭ سوڭى قايعىلى جاعدايمەن اياقتالدى.

پورتۋگالدىق فۋتبولشىنىڭ نيگەريالىق جانكۇيەرى ارگەنتينالىق اياق دوپشىنىڭ جانكۇيەرىن ءولتىرىپ تاستادى. 24 جاستاعى نيگەريالىق مۋمباي ماڭىنداعى نالاسوپارە ەلدى مەكەنىندە دوسىن ولتىرگەنى ءۇشىن قۇرىقتالدى.

«سپورت-ەكسپرەسس» باسپاسىنىڭ حابارالۋىنشا، جولداستارى مەسسي جانكۇيەرىنىڭ 34 جاسقا تولعانىن تويلاتىپ جاتقان. ءبىر مەزەتتە قوس فورۆارد جايىندا داۋ شىعىپ، سوڭى توبەلەسكە ۇلاسقان. توي يەسى قارسىلاسىنا ستاقان اتسا، ءوز كەزەگىندە رونالدۋ جانكۇيەرى سىنعان ستاقاننىڭ سىنىعىن الىپ، دوسىنا شابۋىل جاساعان. كەيىن ول پاتەردە قانسىراعان دوسىن سول كۇيى تاستاپ، وقيعا ورنىنان قاشىپ كەتكەن، دەپ جازادى 24-تەلەارناسى.