ەلباسى داڭقتى بالۋان ا. ايقانوۆتىڭ قايتىس بولۋىنا بايلانىستى جاقىندارىنا كوڭىل ايتتى
دەپ حابارلايدى اقوردانىڭ باسپاءسوز قىزمەتى.
ەلباسى اتى اڭىزعا اينالعان بالۋان ءا.ايقانوۆتىڭ قازاقستان حالقىنىڭ ماقتانىشى بولعانىن اتاي وتىرىپ، كوڭىل ايتتى.
«ول بۇرىنعى كەڭەس وداعىنىڭ اۋقىمىندا عانا ەمەس، كوپتەگەن حالىقارالىق جارىستاردا جەڭىمپاز اتانۋ ارقىلى زور جەتىستىكتەرگە قول جەتكىزگەن اسا ۇلكەن دارىن يەسى ەدى. ءا.ايقانوۆ ءوز جەڭىستەرى ارقىلى حالقىمىزدىڭ رۋحىن كوتەرىپ، جاستاردىڭ سپورتتىڭ وسى تۇرىمەن اينالىسۋىنا ىقپال ەتتى. كوپتەگەن جاس وعان ەلىكتەپ سالاماتتى ءومىر سالتىن ۇستانۋعا، قاجىرلى، قايراتتى بولىپ وسۋگە تالپىندى. بىلىكتى باپكەر رەتىندە دە كوپتەگەن داڭقتى سپورتشىلاردى تاربيەلەپ، ءوسىردى. سپورتتاعى جەتىستىكتەرى ءۇشىن قۇرمەتتى اتاقتار مەن ماراپاتتارعا يە بولدى»، - دەلىنگەن جەدەلحاتتا.
سوڭىندا نۇرسۇلتان نازاربايەۆ ءا.ايقانوۆتىڭ ەسىمى مەن ەڭبەگىن قازاقستاندىقتار ۇمىتپايتىنىن اتاپ ءوتتى
