ءماجىلىس دەپۋتاتتىعىنا قازاقستان حالقى اسسامبلەياسى اتىنان ۇسىنىلعان كانديداتتار سايلاۋ قورىن قۇرمايدى

استانا. قازاقپارات - ق ر پارلامەنتى ءماجىلىسىنىڭ دەپۋتاتتىعىنا ق ح ا اتىنان ۇسىنىلعان كانديداتتار سايلاۋ قورىن قۇرمايدى.

 بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى تاتيانا وحلوپكوۆا ءمالىم ەتتى.

«كانديداتتارمەن سايلاۋ قورى قۇرىلمايدى. ولارعا بيۋدجەتتەن 630 مىڭ تەڭگە كولەمىندە قاراجات بولىنەدى. ونىڭ سىرتىندا وزگە كوزدەردەن قارجى تارتۋلارىنا رۇقسات بەرىلگەن. ولار سونىمەن قاتار ق ح ا مۇشەلەرىمەن بىرگە ۇگىت- ناسيحات جاساي الادى، سەبەبى 21 - ناۋرىزدا ولاردى ق ح ا- نىڭ 446 مۇشەسى سايلايتىن بولادى»، - دەدى ت. وحلوپكوۆا تىلشىلەردىڭ ساۋالىنا جاۋاپ بەرۋ كەزىندە.

بۇنىڭ الدىندا حابارلاعىنىمىزداي، 2016 -جىلعى 6 - ناۋرىزدا قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتىعىنا كانديداتتاردىڭ سايلاۋ الدىنداعى ۇگىتى باستالدى، ول 2016 -جىلعى 19 - ناۋرىز كۇنى ساعات 24:00-دە اياقتالادى.

2 - ناۋرىزدا ق ر و س ك قازاقستان حالقى اسسامبلەياسى سايلايتىن قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا كانديداتتاردىڭ ۇگىت جۇمىسىنا رەسپۋبليكالىق بيۋدجەت قاراجاتىنان قارجىلاندىرىلاتىن شىعىستارىنىڭ مولشەرلەرىن بەكىتتى.

تەلەديدار بويىنشا سايلاۋالدى باعدارلامامەن شىعۋعا ءاربىر كانديداتقا 139000 تەڭگە بولىنەدى؛ باعدارلامامەن راديودا باعدارلامامەن شىعۋعا - 82000 تەڭگە، باسپا باسىلىمدارىندا ەكى ماقالا جاريالاۋعا - 178000 تەڭگە؛ سايلاۋشىلارمەن كەزدەسۋلەر ءۇشىن ءۇي- جايدى جالعا الۋعا - 33000 تەڭگە؛ ۇگىتتىك باسپا ماتەريالدارىن باسىپ شىعارۋعا - 66000؛ كولىكتىك شىعىستارعا - 132000 تەڭگە.

ت. وحلوپكوۆا، قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتىعىنا كانديداتتاردىڭ بۇقارالىق اقپارات قۇرالدارىنا كەدەرگىسىز جانە تەڭ قول جەتكىزۋىنە سايلاۋ زاڭناماسى كەپىلدىك بەرەتىنىن اتاپ ءوتتى.

ب ا ق تىركەلگەن بارلىق كانديداتتارعا ەفير ۋاقىتى مەن باسپا ءسوز بەتىنەن ورىن بەرۋدە تەڭ جاعدايلار جاساۋى ءتيىس.

 كانديداتتاردىڭ بارلىق ۇگىتتىك باسپا ماتەريالدارىندا سول ماتەريالداردى شىعارعان ۇيىم، ولار باسىلعان جەرى مەن تارالىمى، تاپسىرىس جاساعان تۇلعالار، قانداي قاراجاتتان تولەنگەندىگى تۋرالى مالىمەتتەر بولۋعا تيىس.

 ۇگىتتىك باسپا ماتەريالدارىن قازاقستان رەسپۋبليكاسىنىڭ اۋماعىنان تىسقارى جەرلەردە دايىنداۋعا، انونيمدىك ۇگىت ماتەريالدارىن تاراتۋعا تىيىم سالىنادى.

 اۆتور: جاسۇلان جولدىبايەۆ