14:43, 07 - ناۋرىز 2016 | GMT +5
جاپونيا پوليتسياسى ياكۋدزالاردىڭ اتىسىنان كەيىن وقۋشىلاردى مەكتەپكە دەيىن شىعارىپ سالۋدا
استانا. قازاقپارات - جاپوندىق ياكۋدزالاردىڭ «ياماگۋتي- گۋمي» قىلمىستىق سينديكاتىنىڭ توبى مەن ودان ءبولىنىپ شىققان «كوبە ياماگۋتي- گۋمي» توبىنىڭ اراسىنداعى قاتىناستاردىڭ شيەلەنىسۋىنەن ەلدەگى كوبي قالاسىنىڭ بالالارى مەكتەپكە پوليتسيانىڭ جانە مۇعالىمدەردىڭ بىرگە ەرۋىمەن بارىپ ءجۇر،
دەپ حابارلادى NHK تەلەكومپانياسىنان.
«كوبە ياماگۋتي- گۋمي» توبىنىڭ شتاب- پاتەرى ورنالاسقان ميتو قالاسىنداعى مەكتەپتەردىڭ بىرىندە وقۋشىلار ساباققا ەرەسەكتەردىڭ كۇزەتىمەن كەلدى. جەكسەنبى كۇنى شتاب- پاتەردىڭ عيماراتىندا بەس وقتىڭ ءىزى انىقتالسا، سەنبىدە عيماراتتىڭ قاسىندا تۇرعان ماشيناعا باسەكەلەس «ياماگۋتي- گۋمي» توبىنىڭ جۇك كولىگى سوعىلدى. ال مەكتەپ بولسا، وقيعا ورنىنان نەبارى 50 مەتر قاشىقتىقتا ورنالاسقان. ساباقتان كەيىن بالالار ۇيلەرىنە ەرەسەكتەردىڭ قاداعالاۋىمەن جەتكىزىلەدى.
