شياڭگاڭ اپتالىق جۇرنالى: قازاقستان ەكونوميكالىق باسىمدىلىعىن ىسكە اسىرۋ جونىندەگى شارالاردى ءتيىمدى قولدانۋدا

بەيجىڭ. قازاقپارات - قازاقستان ءوزىنىڭ ەكونوميكالىق ارتىقشىلىقتارىن (ادامي الەۋەت، تابيعي رەسۋرس، جاعىراپيالىق ورنالاسۋ) جاقسى تۇسىنەدى جانە ىسكە اسىرىلىپ جاتقان مەملەكەتتىك باعدارلامالار اياسىندا ولاردى ءتيىمدى پايدالانۋ ءۇشىن شارالاردى قولعا الۋدا.

بۇل تۋرالى گونكونگتەگى (شياڭگاڭ) تانىمال «فەنيكس» («Phoenix Weekly») اپتالىعى «قازاقستان تەڭدەسسىز جەكەشەلەندىرۋدى جۇرگىزۋدە» دەگەن ماقالاسىندا جازادى.

اۆتور جەكەشەلەندىرۋ جونىندەگى جوسپارلار شەتەل ينۆەستورلارىن تارتۋعا كومەكتەسە الا ما، دەگەن ساۋال قويادى.

«سوڭعى ۋاقىتتارداعى قازاقستاننىڭ مەملەكەتتىك اكتيۆتەردى تەڭدەسسىز جەكەشەلەندىرۋ شارالارى حالىقارالىق قاۋىمداستىقتىڭ نازارىن اۋدارىتتى. 2015 -جىلى 22 - جەلتوقسانداعى وتىرىستا قازاقستان ۇكىمەتى مەملەكەتتىك كاسىپورىنداردى جەكەشەلەندىرۋ جوسپارىن رەسمي بەكىتتى جانە جەكەشەلەندىرىلەتىن كاسىپورىنداردىڭ ءتىزىمىن اياقتاۋ جونىندە شەشىم قابىلدادى، بۇل كەڭەس وداعىنان 1991 -جىلى تاۋەلسىزدىك العان ەلدە ەكىنشى جەكەشەلەندىرۋدىڭ باستالعاندىعىن كورسەتتى»، - دەپ جازادى باسىلىم.

ماقالادا بۇدان ءارى قازاقستاندىق مەملەكەتتىك اكتيۆتەردى جەكەشەلەندىرۋدى ىسكە اسىرۋشى «سامۇرىق- قازىنا» ۇلتتىق ءال- اۋقات قورى» ا ق ەكەندىگى اتاپ وتىلگەن.

 «سامۇرىق- قازىنا» ۇ ءا ق- ىن قۇرۋ ق ر پرەزيدەنتى نۇرسۇلتان نازاربايەۆتىڭ 2003 - جىلى سينگاپۋرعا ساپارىنان كەيىن باستالدى. 10 جىلعا جۋىق جۇرگىزىلگەن رەفورمالار مەن جەكەشەلەندىرۋ ۇدەرىستەرى ناتيجەسىندە قازاقستاندا ەكونوميكانىڭ قۇرىلىمى مەن شارۋاشىلىق نىساندارىنىڭ تۇرلەرى ونىڭ ىشىندە مەملەكەتتىك، جەكە، شەتەلدىك، بىرلەسكەن كاسىپورىندار جانە باسقالارى بار بارلىعى ءارتاراپتاندىرىلدى. 2000 - جىلدان كەيىن قازاقستاننىڭ مەملەكەتتىك اكتيۆتەرىن جەكەشەلەندىرۋ تولىق جەكەگە بەرۋدەن (مەملەكەتتىك مەنشىكتى جانە مەملەكەتتىك اكتيۆتەردى ساتۋ) بىرتىندەپ اكتيۆتەردى مەملەكەتتىك باسقارۋعا اۋىستىرۋعا ءمان بەرىلدى»، - دەلىنگەن ماقالادا.

ن. نازاربايەۆ سينگاپۋردا ەلدەگى قارجى مينيسترلىگىنە باعىنىشتى Temasek ينۆەستيتسيالىق حولدينگىنىڭ قىزمەتىمەن تانىسىپ، قازاقستاندىق ساراپشىلارعا وسى قۇرىلىمنىڭ تابىستى تاجىريبەسىن تەرەڭىرەك زەرتتەۋگە جانە وسىعان بالاما كومپانيانى قازاقستاندا قۇرۋ جونىندە ۇسىنىس بەرگەن، دەپ جازادى اۆتور.

 («Phoenix Weekly»)  بۇعان دەيىن قازاقستان پرەزيدەنتى نۇرسۇلتان نازاربايەۆ الەمنىڭ ەكونوميكالىق قيىنشىلىقتاردىڭ الدىندا تۇرعانىن، ونىڭ كوپتەگەن دامۋشى ەلدەرگە اسەر ەتىپ، بۇعان دەيىنگى جاھاندىق داعدارىستاردان اسىپ تۇسەتىندىگى تۋرالى ەسكەرتكەندىگىن جازادى. «ۇزاق ءارى قاتال قىس الدىندا ءبىز قازىردەن باستاپ ىسكە كىرىسۋىمىز كەرەك»، - دەگەن ن. نازاربايەۆتىڭ سوزدەرىن باسىلىم كەلتىرە كەتكەن.

ماقالادا اتالعان جوسپارلاردى ىسكە اسىرۋ قازاقستاننىڭ ەكونوميكالىق «تامىرلارىن» دامىتۋعا مۇمكندىك بەرەتىندىگى، سونداي- اق شەتەلدىك ينۆەستورلاردىڭ تاجىريبەسىن قاجەت ەتەتىندىگى اتالىپ وتىلگەن. «سوندىقتان جەكەشەلەندىرۋدىڭ ءمانىن وسى سالادا قاراستىرعان ءجون»، - دەپ قورتادى اۆتور.