قىرعىزستان قولونەرشىلەرى يرانداعى حالىقارالىق فەستيۆالگە قاتىستى

 استانا. قازاقپارات - تەگەراندا ناۋرىز مەرەكەسىنە ارنالعان قولونەرشىلەردىڭ حالىقارالىق فەستيۆالى ءوتتى.

 ناۋرىزدىڭ 3 مەن 5 ارالىعىندا بولعان ءداستۇرلى شارانى مادەني مۇرا، قولونەر جانە تۋريزم كەڭسەسى جانە يراننىڭ يۋنەسكو جانىنداعى ماتەريالدىق ەمەس مۇرانى ساقتاۋ زەرتتەۋ ورتالىعى ۇيىمداستىرعان.

 شاراعا يران، تاجىكستان، وزبەكستان، يندونەزيا، ارمەنيا جانە تاعى باسقا ەلدەردەن كەلگەن قولونەر شەبەرلەرى قاتىستى. قىرعىزستان اتىنان «CACSARC-kg» قىرعىزستانداعى قولونەردى قولداۋ قاۋىمداستىعىنىڭ اكىمشىلىك ورتالىعى قوعامدىق قورىنىڭ جانە «ويمو» حالىقارالىق قولونەر فەستيۆالىنىڭ باسشىلىعى كەلدى.

فەستيۆال اياسىندا ەتنومادەني مۇرانى ساقتاۋ ماسەلەسىنە ارنالعان كونفەرەنتسيا ءوتتى. ونىڭ باستى ماقساتى - بالالاردى ۇلتتىق قۋىرشاقتار مەن ويىنشىقتارمەن تانىستىرۋ ارقىلى ۇلتتىق تاريح پەن مادەنيەتكە نازارىن اۋدارۋ.

يراننىڭ ۇلتتىق مۇراجايىندا قىرعىزستان قولونەرشىلەرى كيىزدەن جاسالعان قۋىرشاقتار مەن «ويمو» ستيلىندەگى دۇنيەلەرمەن تانىستىردى. قىرعىز شەبەرلەرىنىڭ تۋىندىلارى فەستيۆال قوناقتارى مەن ديزاينەرلەردى ءوزىنىڭ بىرەگەيلىگىمەن، ساپاسى ءارى بوياۋىمەن ەرەكشە ءتانتى ەتتى، دەپ حابارلايدى centralasian.org.