08:39, 07 - ناۋرىز 2016 | GMT +5
ازەربايجان مۇناي ءوندىرۋ كولەمىن ارتتىرۋدى توقتاتتى
استانا. قازاقپارات - ازەربايجان 2016 - جىلى مۇناي ءوندىرۋ كولەمىن 2015 - جىلعى دەڭگەيدە ۇستاپ تۇرۋ نيەتىندە.
بۇل تۋرالى جەرگىلىكتى ب ا ق- تارعا بەرگەن سۇحباتىندا ازەربايجان مەلەكەتتىك مۇناي كومپانياسىنىڭ پرەزيدەنتى روۆناگ ابدۋللايەۆ ايتتى.
ول ءوندىرۋ كولەمىن ارتتىرۋ جونىندەگى جوبالاردىڭ قازىردىڭ وزىندە توقتاتىلعاندىعىن اتاپ ءوتتى.
«مۇناي ءوندىرۋ ازەربايجاندا وتكەن جىلعى دەڭگەيدەن وسىرىلمەيدى»، - دەدى كومپانيا باسشىسى.
ازەربايجان مەملەكەتتىك مۇناي كومپانياسى 2015 - جىلى 8, 16 ميلليون توننا مۇناي وندىرگەن. ال جالپى العاندا وتكەن جىلى ازەربايجاندا جالپى 41,59 ميلليون توننا مۇناي ءوندىرىلدى.
2015 -جىلى بۇل ەل تاۋلىگىنە 0,8 ميلليون باررەل مۇناي ءوندىردى.
