قازاق قىزىنىڭ سۇلۋلىعى قالاي باعالانعان؟

نۇر- سۇلتان. قازاقپارات - قىز بالا تاربيەسى قاشاندا قوعامنىڭ نازارىنان تىس قالىپ كورگەن جوق.

اتام قازاق ەشبىر جارعى، نۇسقاۋ جازىپ اۋرە بولماي-اق ءارى قىسقا، ءارى نۇسقا ناقىلدارمەن تاربيە تاعىلىمىنىڭ تاماشا ۇلگىسىن ءتۇيىپ ايتىپ وتىرعان. «قىز-قوناق» دەپ تورىنەن ورىن بەرىپ، قىزداردى التىننىڭ سىنىعىنا بالاپ وسىرگەن.

حالىق اراسىندا بويجەتكەن قىز اجارىنا قاراي التىعا بولىنگەن.

1. ادەمى قىز - باپپەن سويلەپ، بيازى كۇلىپ، جاقسى-جاماننىڭ ءجونىن ءبىلىپ تۇراتىن.

2. كورىكتى قىز - ءىستى ءۇيىرىپ، سويلەسە بۇيىرىپ، باۋراپ الاتىن، بىردەن كوزگە تۇسە قويمايتىن.

3. اسەم قىز - ءجۇزى جىلى، ءوزى ۇياڭ، ءتانى نازىك.

4. اجارلى قىز - دەنە ءبىتىمى جيناقى، ءسوزى سالماقتى، ءىسى تياناقتى.

5. شىرايلى قىز - كوز جانارى وتكىر، بەت الپەتى بال-بۇل جانعان، ءتانى شىمىر.

6. ارۋ قىز - بەت ءپىشىنى، دەنە ءمۇسىنى كەلىسكەن، ءسوزى سىپايى، ءوزى الپەتتى، سۇڭعاق بويلى، تەرەڭ ويلى.

massaget.kz