قازاقستاندا شىعارىلاتىن «تالگو» ۆاگوندارى رەسەيلىك تەمىر جولشىلاردى تاڭعالدىردى

None
None
 استانا. قازاقپارات - قازاقستان جولاۋشىلار ۆاگونىن شىعارۋدا رەسەيدىڭ الدىن وراپ كەتتى. بۇل تۋرالى بۇگىن «تەمىر جول كولىگى» №524 ستاندارتى جونىندەگى مەملەكەت ارالىق تەحنيكالىق كوميسسيا وتىرىسى الدىندا ب ا ق وكىلدەرىنە سۇحبات بەرگەن «رەسەي تەمىر جولى» ا ا ق- نىڭ اعا ۆيتسە- پرەزيدەنتى ۆالەنتين گاپانوۆيچ ءمالىم ەتتى.

«ءبىز قازاقستاندا «تالگو» كومپانياسىنىڭ ۆاگوندارىن كوردىك. ولار وتە كەرەمەت جاسالعان، رەسەيدە مۇنداي ۆاگوندار جوق. بۇل ماسەلەدە قازاقستان رەسەيدىڭ الدىن وراپ كەتتى دەسەم دە بولادى»، - دەدى ول.

دەگەنمەن ول ب ا ق وكىلدەرىنىڭ «رەسەي قازاقستاندىق ۆاگونداردى ءوز جەرىندە پايدالانۋعا نيەت تانىتىپ وتىرعان جوق پا؟» دەگەن ساۋالعا سىرعىتپا جاۋاپ بەردى.

«ءبىز بۇل جەرگە كورۋگە، تاجىريبە بولىسۋگە جانە جاقسى تاجىريبە الۋعا كەلدىك»، - دەدى ول.

 ايتا كەتەيىك، بۇگىنگى جيىننىڭ قورىتىندىسىندا قازاقستان، بەلارۋس جانە رەسەي تەمىر جولدارى اراسىندا جولاۋشىلار تاسىمالداۋ قىزمەتىن كورسەتۋ سالاسىنداعى كەلىسىمگە قول قويۋ جوسپارلانعان.

 اۆتور: مارلان جيەمباي

سوڭعى جاڭالىقتار
telegram