08:19, 02 - ناۋرىز 2016 | GMT +5
كۇرەس كيىمدەرىنىڭ ءتۇسى وزگەرەدى
استانا. قازاقپارات - بۇكىل الەمدىك كۇرەس وداعى (UWW) بالۋاندار كيىمدەرىنىڭ تۇسىنە وزگەرىستەر ەنگىزبەك. بۇل تۋرالى وداقتىڭ رەسمي سايتى حابارلاپ وتىر، دەپ جازادى massaget.kz.
قىزىل جانە كوك تۇستەردىڭ ورنىنا ەلدەردىڭ تۋىنىڭ ءتۇسى بەينەلەنەدى. ال قىزىل جانە كوك تۇستەر تەك كيىمنىڭ ارقا بولىگىندەگى سىزىقتار مەن تومەنگى جاعىندا عانا ساقتالادى. جاڭا وزگەرىستەر 2016-جىلعى وليمپيادا ويىندارىنا ليتسەنزيالىق ۇپاي تاراتاتىن ۋلان-باتورداعى (موڭعوليا) جارىستان باستالماق.
- كۇرەس كيىمدەرىنە ەنگىزىلگەن وزگەرىس كوپشىلىك كوڭىلىنەن شىعادى دەپ ويلايمىن. بۇل سپورت تۇرىنە دەگەن قىزىعۋشىلىقتى دا ارتتىرا تۇسپەك، - دەگەن UWW پرەزيدەنتى نەناد لالوۆيچ.
