مىرزاعالي ايتجانوۆ: وزبەك بوكسشىلارىنان ويسىراي ۇتىلعانىمىز ۇيات بولدى

استانا. قازاقپارات - بوكستان قازاقستان ۇلتتىق قۇراماسىنىڭ باس باپكەرى مىرزاعالي ايتجانوۆ وزبەك بوكسشىلارىنان ءىرى ەسەپپەن ۇتىلعان «استانا ارلاندارى» ءۇشىن ۇيالعانىن ايتتى.

بۇل تۋرالى ول Vesti.kz-كە بەرگەن سۇحباتىندا ايتقان دەپ حابارلايدى NUR. KZ.

«بالالار ءۇمىتتى اقتامادى، ۇياتقا قالدىردى. 49 كەلىدەگى تەمىرتاس ءجۇسىپوۆ ءوزىنىڭ ۇتىلاتىنىن ءبىلدى دە، تۇك ىستەگەن جوق. ول وسى سالماقتاعى ازيا چەمپيونى رەتىندە، قازاقستان قۇراماسىنىڭ ەكىنشى ءنومىرلى بوكسشىسى رەتىندە ەشتەڭە ىستەي المادى. مەيىربولات تويىتوۆتىڭ بار كۇشى سارقىلعان سەكىلدى. ول وتە ۇيات جاعدايدا جەڭىلدى. قارسىلاسى وزىنەن الدەقايدا جاس سپورتشى ەدى... اسحات ءۋاليحانوۆتىڭ دا قارسىلاسى وتە جاس، ەرەسەكتەر اراسىنا ەندى عانا وتكەن بوكسشى. ونىڭ جەڭە الماعانىنا قاراعاندا، اسحاتتىڭ دا بوكستاعى داۋرەنى بىتۋگە جاقىن سياقتى. مەن ءبىزدىڭ جىگىتتەر 3:2 ەسەبىمەن جەڭەدى دەپ ويلاعانمىن»، - دەيدى ايتجانوۆ.

ەسكە سالا كەتەيىك، «استانا ارلاندارى» وزبەك بوكسشىلارىنان 1:4 ەسەبىمەن جەڭىلىپ قالعان بولاتىن.