سلوۆەنيالىق سپورتشى پەتەر پريەۆتس الماتىدا شاڭعىمەن تۇعىردان سەكىرۋدەن وتكەن الەم كۋبوگىنىڭ جەڭىمپازى اتاندى - فوتو

الماتى. قازاقپارات - كەشە الماتىدا حالىقارالىق «سۇڭقار» شاڭعى تۇعىرلارى كەشەنىندە ەرلەر مەن ايەلدەر اراسىندا شاڭعىمەن تۇعىردان سەكىرۋدەن الەم كۋبوگىنىڭ قىسقى كەزەڭىنىڭ ەرلەر اراسىنداعى جارىسى اياقتالدى.

سلوۆەنيالىق سپورتشى پەتەر پريەۆتس سەكىرۋ قورىتىندىسى بويىنشا 325.9 بالل جيناپ، الەم كۋبوگىنىڭ اقتىق راۋندىنىڭ جەڭىمپازى اتاندى.

ول وتكەن راۋندتا دا جەڭىس تۇعىرىنان كورىنگەن بولاتىن. سونداي- اق، سول جارىستا ءۇشىنشى ورىن العان گەرمانيالىق زيەۆەرين فرويند بۇگىنگى اقتىق سىندا ەكىنشى ورىندى يەلەندى. ونىڭ كورسەتكىشى - 314.3 بالل. ال نورۆەگيالىق دانيەل- اندرە تاندە 310.9 باللمەن ءۇشىنشى ورىندى يەلەندى. ول العاشقى راۋندتىق جارىستا ءتورتىنشى ورىندى مىسە تۇتقان بولاتىن.

 قازاقستاننىڭ اتىنان 4 سپورتشى ونەر كورسەتكەن بولاتىن. وكىنىشكە قاراي، اعايىندى مارات پەن راديك جاپپاروۆتار جانە كونستانتين سوكولەنكو ءتىپتى كۆاليفيكاتسيادان دا وتە المادى. ال سابىرجان مومىنوۆ سوڭعى - 50- ورىندى يەلەندى.